Сара Џесика Паркер секогаш го сообразува својот изглед со темата кога се подготвува за МЕТ балот. Низ годините, нејзините стајлинзи секогаш привлекувале внимание, а оваа година не беше исклучок.
53-годишната актерка ги насочи сите погледи кон себе кога пристигна пред музејот „Метрополитен“ во златна креација со црвени срциња од високата мода на Долче и Габана и коса до колената.
Сепак, најголемо внимание Паркер привлече со волуменозната круна на главата во која беше прикажано Христовото раѓање.
На црвениот тепих, ѕвездата од хит серијата „Сексот и градот“ позираше со водителот Енди Коен.
