Кога две од најстилските дами во светот ќе се сретнат, невозможно е да не го привлечат вниманието на јавноста. Јорданскиот крал Абдула II и кралицата Ранија се во официјална посета на Вашингтон, а во Белата куќа беа пречекани од Доналд и Меланија Трамп.
Двете дами носеа нежни комбинации. За дипломатската средба, 48-годишната прва дама на САД избра розов кожен фустан од брендот Proenza Schouler и салонки во слична нијанса.
47-годишната кралица на Јордан носеше бело-розова комбинација која вклучуваше панталони од брендот Adeam.
Ова е втора посета на јорданскиот кралски пар откако Трамп ја презеде позицијата Претседател на САД. Во април минатата година, двете дами зрачеа со елеганција на првата нивна средба во Белата куќа.
