Дијагнозата витилиго може да ја сруши самодовербата на секоја личност.
Роџер Монте цела деценија со шминка ги криеше белите дамки на лицето и телото, а сега конечно научи да го сака својот природен изглед.
Со големо охрабрување од пријатели, Монте гордо ги покажува депигментираните делови на кожата и успешно се пробива во модната индустрија.
На 23-годишна возраст Роџер започнал да забележува депигментација на делови од неговата кожа. Кога ја дознал дијагнозата, целиот свет му се срушил.
Иако не е пренослива или заразна, ова кожна состојба придонела Роџер да западне во депресија, бидејќи многу луѓе го избегнувале неговото присуство.
37-годишниот модел од Бразил тогаш одлучил да започне да ги прикрива дамките со помош на шминка. Роџер избегнувал да плива во базен, да посетува фитнес сала или да применува активност која би довела до размачкување или бришење на неговата шминка.
Во 2016 година, тој запознал пријатели во фитнес сала на кои им ја открил својата тајна. Тие веднаш го охрабриле и го советувале да сподели фотографија на Instagram на која ќе биде прикажан во вистинско светло – без шминка, без филтер.
Монте бил изненаден од позитивните коментари кои ги добил и продолжил да ја споделува својата приказна на социјалните мрежи.
За кратко време, неговите фотографии се распространиле на интернет и го привлекле вниманието на многу фотографи кои го поканиле да позира за нив.
Монте денес има над 36 илјади следбеници на Instagram и привлекува сè повеќе и повеќе модни ангажмани.
