Марго Роби беше дама во црно на овогодишното издание на балот МЕТ во Њујорк.
32-годишната актерка беше облечена од глава до пети во Шанел, ооддавајќи му почит на покојниот дизајнер Карл Лагерфелд, во чија чест се одржа галата оваа година. Марго носеше винтиџ креација, проѕирна во делот на стомакот, која Лагерфелд ја дизајнираше за колекцијата висока мода за сезоната пролет/лето во 1993 година.
Во 1993 година, фустанот беше претставен на ревија од супермоделот Синди Крафорд.
