Џенифер Лопез оваа година сама зачекори на црвениот тепих на балот МЕТ.
Пред музејот „Метрополитен“, 53-годишната актерка и пејачка позираше во двобојна креација која ѝ го разголи деколтето. Црно-розовиот фустан е дело на модната куќа Ралф Лорен, а Лопез го комбинираше со црни ракавици.
На главата, Џеј Ло носеше впечатлива црна шапка.
Нејзиниот сопруг Бен Афлек не беше меѓу гостите на хуманитарниот бал организиран од Ана Винтур.
Најголемиот настан во модниот свет оваа година помина во знакот на покојниот дизајнер Карл Лагерфелд, а гостите носеа облека во негова чест.
