Списанието „PLUS Model Magazine“ направи контроверзна фотосесија во која „plus-size“ модел позира заедно со модел од модните писти. 28-годишната Катја Жаркова позира гола, а на некои од фотографиите прегрнува значително послаб модел чие лице е сокриено.
Секоја од фотографиите вклучува и контроверзни статистички податоци како:
- Пред 20 години просечниот модел тежеше 8% помалку од просечната жена. Денес, просечниот модел тежи 23% помалку.
- Повеќето манекенки имаат BMI (индекс на телесна маса) што ги исполнува физичките критериуми за анорексија.
Идејата на списанието била да им покаже на жените дека не е потребно да бидат слаби за да го ценат своето тело и дека слабото тело не значи здравје. „Бомбардирани сме со реклами за слабеење секој ден, по неколку пати дневно, затоа што тоа е мултимилијардерска индустрија која се храни од стравот да бидеме дебели. Не секој треба да биде слаб, нашите тела се убави и тука не зборуваме за здравје, затоа што не секоја слаба личност е здрава“ – пишува во текстот.
Но, ваквите шокантни податоци на списанието веднаш наидоа на критики. Списанието тврди дека пред 20 години просечниот модел тежел 8% помалку од просечната жена, а денес тежи 23%, но нема наведено колку тежела просечната жена пред 20 години и колку тежи денес.
Дополнително, критичарите велат дека анорексијата е и умствена болест и дека критериумите за анорексија се многу повеќе од само низок индекс на телесна маса.
