Девојка го покажа своето тело во бикини, хеланки, кратки панталони и кратка маичка за да пренесе порака дека секоја жена може да носи сè што ќе посака.
Сара Пети постојано читала на социјалните мрежи коментари од типот: „Ако имаш над 90 кг, не носи бикини“, „Ако имаш над 90 кг, не носи кратка маичка, „Ако имаш над 90 кг, не носи хеланки во јавност“, па дури и „Внимание, сите девојки над 90 кг, ве молам направете си себеси и на сите нас услуга и фрлете ги шорцевите в ѓубре. Грозно“.
Иако коментарите не биле упатени директно на нејзино име, 20-годишната девојка чувствувала дека треба да ги земе нештата во свои раце и да им покаже на сите дека грешат.
Сара се фотографирала со облека, која според некои, е наменета за слаби девојки – кратка маичка, шорц, хеланки и бикини – а фотографиите ги објавила на својот профил на Twitter со пораката: „Девојки: Носете сè што ќе посакате“.
Објавата на Сара инстантно стана хит со 67 илјади ретвитови и 78 илјади допаѓања.
„Се надевам дека жените ќе сфатат колку е важно да престанат да се оцрнуваат и ќе започнат да се бодрат една со друга. Многу нешта се насочени против жените, не ни треба и други жени да бидат против нас. Исто така, се надевам дека жените ќе го разграничат она што навистина се од бројката на вагата и ќе сфатат дека не постои број, висок или низок, кој диктира дали тие вредат или дали се убави“ – рекла Сара.
