Многу познати дами присуствуваа на отворањето на продавница на компанијата за луксузен накит Tiffany & Co. во Беверли Хилс. На забавата преовладуваа црните аутфити и се разбира, блескавите парчиња накит.
Софија Вергара со широка насмевка позираше на тиркизниот тепих во фустан од Cushnie Et Ochs, обувки од Christian Louboutin и накит од Tiffany & Co. 44-годишната Колумбијка мамеше погледи со својата привлечна фигура.
Хали Бери воопшто не покажуваше дека има 50 години. На настанот, познатата оскаровка се појави во црн костум од Alexander McQueen со проѕирна раскопчана кошула од Balmain од која ѕиркаше нејзиниот градник.
40-годишната Рис Витерспун исто така покажа младолик изглед во комбинезон со разголено деколте.
Џенифер Гарнер беше облечена во фустан од Lanvin, обувки од Casadei и накит од Tiffany & Co.
