Женската чанта не е само моден додаток, таа во себе крие многу нешта. Во видео кое го сними за „Вог“, Викторија Бекам покажува што содржи нејзината чанта и открива без кои предмети не може да живее.
Во видеозаписот, 42-годишната дизајнерка признава дека понесува многу нешта со себе кога го напушта својот дом. Од добра книга за себе, производи за разубавување, па сè до мала сликовница за својата ќеркичка Харпер. Опишувајќи се себеси како позитивна личност, Бекам вели дека нема време за негативни работи и додава дека секогаш ја гледа чашата како половина полна, а не половина празна.
Славната сопруга на Дејвид Бекам изјавува и дека мобилниот телефон ѝ е многу важен, бидејќи содржи илјадници фотографии од нејзиното семејство.
