Скарлет Јохансон и Метју Меконахи се заштитни лица на италијанскиот бренд „Dolce & Gabbana“ за парфемите „The One“.
Холивудските ѕвезди ги имаат главните улоги во краткиот филм „Street of Dreams“, режиран од Мартин Скорсезе. Црно-белиот филм следи средба на поранешни љубовници во Њујорк.
Доменико Долче и Стефано Габана накратко објасниле зошто ги избрале токму Скарлет и Метју. „Има невиност во нејзините очи, а сепак насмевката ѝ е преплетена со палавост. Таа е талентирана актерка и прекрасна жена“ – изјавил Долче.
„Метју е ултимативниот шармер. Тој е неверојатен актер и многу згоден маж чиј привлечен изглед како да се подобрува со текот на годините“ – објаснил Габана.
