Оваа година изминуваат 20 години од премиерата на „The Wedding Planner“. Главните ѕвезди Џенифер Лопез и Метју Меконахи со видео разговор го одбележаа овој јубилеј.
51-годишната актерка и 51-годишниот актер се потсетија на снимањето на популарниот филмски проект, кој несомнено многу од вас го обожаваат.
„Уживав додека работев со тебе. Имавме многу убав однос и хемија. Тогаш бевме во почетоците на нашите кариери и беше возбудливо да се работи на кој било филм. Сè уште се чувствувам така. Беше магично време“ – вели Лопез во видеото.
ВИДЕО:
„The Wedding Planner“ ја раскажува приказната за Мери (Лопез), амбициозна и успешна жена која професионално се занимава со планирање на туѓи свадби. Еден ден таа се вљубува во младоженец (Меконахи), чија свадба треба да ја организира.
