Дали ја сакате вашата коса? Често жените кои имаат права коса посакуваат виткана, а оние со кадрици посакуваат прави прамени. Но, навистина изненадуваат резултатите од ново истражување на Dove кои велат дека само 7% од жените навистина си ја сакаат својата коса.
Процентот е премногу мал особено кога ќе се земе во предвид дека учесничките во истражувањето изјавиле дека трошат многу време за одржување на изгледот на косата. Повеќе од половина од 1.000-те учеснички признале дека секојдневно користат по три козметички производи за да ја стилизираат својата коса.
Резултатите покажале дека кај жените средувањето на косата има висок приоритет наутро. Така, 45% признале дека средувањето на косата им е поважно од појадокот; 39% побрзо би излегле од дома со убава фризура отколку нашминкани; 35% би си скратиле од сонот за да постигнат убав изглед на својата коса.
Скоро 20% од жените во истражувањето признале дека пропуштиле некаков друштвен настан поради лошиот изглед на косата.
