Мислите дека се карате често со вашиот партнер? Можеби ќе си го промените мислењето откако ќе го земете во предвид заклучокот од ново истражување кој вели дека паровите во просек се караат 312 пати годишно.
Истражувачите освен што тврдат дека се малку деновите во годината кои поминуваат без кавга, откриле и дека паровите најмногу се расправаат во четврток навечер и тоа во 20 часот, а кавгите траат околу 10 минути.
Паровите најмногу се расправаат во четврток навечер и кавгата им трае околу 10 минути
Според резултатите од истражување со учество на 3000 Британци, жените многу повеќе се фрустрираат од навиките на своите партнери, отколку мажите од женските навики.
Жените најчесто се жалат дека нивниот партнер не става нова ролна тоалетна хартија кога ќе ја потроши старата, ги остава сијалиците низ домот запалени, постојано ги менува телевизиските канали и го остава капакот од WC-шолјата подигнат.
Мажите пак најчесто се нервираат затоа што нивната партнерка предолго се подготвува за излегување или затоа што им досадува за да исполнат некоја домашна обврска.
„Сите парови се расправаат, но тоа што толку многу се караат за едноставни нешта како домашните обврски нè зачуди“ – изјавил претставник на компанијата која го финансирала истражувањето.
