Мерилин Монро е прогласена за најславна русокоса на сите времиња. Легендарната актерка успеа да ги остави зад себе современите убавици како Камерон Дијаз и Скарлет Јохансон, покажа истражување на OnePoll.
Мерилин Монро – најславната русокоса на сите времиња
Резултатите од истражувањето спонзорирано од Clairol Nice 'n Easy покажале дека Грејс Кели е на второто место, француската убавица Бриџит Бардо на третото, а Камерон Дијаз на четвртото место.
„Мерилин Монро отсекогаш била позната по нејзината иконска руса коса. Неверојатно е тоа што дури и сега, скоро половина век по нејзината смрт, таа ги победи модерните русокоси и го зачува првото место“ – изјавил претставник на фирмата којашто го порачала истражувањето.
Во првите дваесет на листата влегоа и Оливија Њутон-Џон (9-то место), Мадона (11-то место), Гвен Стефани (14-то место), Шарлиз Терон (19-то место) и Парис Хилтон (20-то место).
