Иако мажите секогаш се прикажувани како посилниот пол, има некои работи во животот со кои едноставно не можат добро да се справат сами. Една од нив е и самостојно живеење. Тоа го заклучиле истражувачите од Универзитетот во Единбург.
Мажите кои живеат сами почесто имаат финансиски и здравствени проблеми и се чувствуваат поосамени од самостојните жени.
Двегодишното истражување, во кое учествувале мажи и жени од 25 до 44 години, довело до заклучокот дека мажите повеќе страдаат од финансиски и здравствени проблеми ако се оставени сами на себе, отколку жените. Исто така, самостојните мажи се чувствуваат поосамени и заработуваат помалку од претставничките на понежниот пол кои што живеат самостојно.
Овие резултати, а и резултатите од други истражувања (како тоа дека жената има повисок праг на болка), може да нè натераат да помислиме уште еднаш дали мажите навистина го заслужуваат епитетот посилен пол.
