Фановите на хокејскиот клуб „Херши Беарс“ од САД поставија нов светски рекорд во фрлање плишени мечиња за време на натпревар.
Настанот „Teddy Bear Toss“ се одржа по 20-ти пат во саботата, а на него беа собрани неверојатни 52.341 мече кои ќе бидат донирани на 20 болници и добротворни организации кои им помагаат на сиромашни и болни деца.
Секоја година, љубителите на хокејот се охрабрени да донесат нови или речиси нови плишени играчки кои ќе ги фрлат на мразот по првиот постигнат гол.
Видео
Претходниот рекорд беше поставен пред почетокот на пандемијата, во декември 2019 година, кога фановите на хокејскиот клуб фрлија 45.650 плишени мечиња на мразот.
