Сириец им го трансформира изгледот на косата на жени од целиот свет, помагајќи им полесно да го прифатат процесот на стареење и да ги засакаат белите влакна.
Додека растел, Џек Мартин живеел во семејство со застарени верувања и неговиот татко сакал да се откаже од него затоа што имал професија која не е за мажи. Сега, тој се радува на светска слава и жени од целиот свет патуваат во Калифорнија за да добијат нова фризура од талентираниот фризер. Само на Instagram, него го следат повеќе од 700 илјади лица.
Џек стои зад движењето #silvertransformation и ги охрабрува сите да не се срамат од белите влакна, туку да ги прифатат како нешто нормално. По години фарбање, неговите клиентки излегуваат од неговиот салон задоволни и среќни со природната седа коса.
Џејн Фонда и Енди Мекдауел се меѓу неговите клиентки.
