Фризер ги охрабрува жените да не се срамат од белите влакна, туку да ги прифатат како нешто нормално.
Џек Мартин ги поттикнува клиентките да се насочат кон природен изглед со седа коса. Неговите трансформации се впечатливи и моќни и им помагаат на жените не само да се чувствуваат самоуверено онакви какви што природно се, туку и да одат поретко на фризер.
„Моите клиентки со природно сива коса доаѓаат кај мене два или три пати годишно, наместо на секои неколку недели. Слободата која доаѓа со толку чудесен изглед навистина е привлечна, а да не ги споменувам охрабрувачките емоции кои доаѓаат со носењето на твојата природно сива коса“ – вели тој.
Тој дошол до ваква идеја кога жена дошла кај него и му рекла дека се фарба со години, но дека сега била во пензија и не сакала да троши толку време на фарбање.
На Мартин му се потребни 10 часа за да го постигне ваквиот изглед. Тој го започнува процесот со отстранување на остатоците од фарба од косата, а потоа го анализира делот каде косата е природно порасната и нефарбана. Потоа, се обидува да го пресоздаде истиот шаблон на целата коса.
Мартин е заслужен за фризурата на Џејн Фонда на Оскар 2020, со која привлече огромно внимание.
Тој ѝ ја трансформираше косата на Енди Мекдауел за новиот филм „Dashing in December“.
