Погледнете го накитот на Шеј Арон и веднаш ќе ви се навлажни устата. Неговите минијатурни слатки креативни дела освојуваат со нивниот „вкусен“ изглед.
27-годишниот креативен дизајнер со огромно внимание и трпеливост создава накит инспириран од храна и пијалаци. „Има толку многу нешта кои ме инспирираат! Собирам списанија за храна и флаери и имам тони книги за готвење. Добивам инспирација од сè, почнувајќи од Џејми Оливер, па сè до кујната на мојата мајка“ – изјавил тој.
Накитот на Шеј е многу популарен, бидејќи е многу забавен. „Сметам дека моите клиенти се луѓе кои имаат со тони смисла за хумор и отворен ум. Обожавам кога гледам дека луѓето уживаат во мојата уметност и ги носат моите креации“ – дополнил тој.
Со гледањето на обетките на Шеј, секоја диета може да пропадне во вода.
