Џенифер Лоренс и Кук Марони го добија второто дете.
По неколкунеделни шпекулации, беше потврдено дека 34-годишната Оскаровка се породи откако таа беше фотографирана на прошетка во Њујорк со сопругот.
Засега не е откриено името на бебето, ниту неговиот пол.
Џенифер потврди дека е бремена во октомври минатата година за „Вог“. Таа беше фотографирана со трудничкото стомаче на доделувањето на „Governors Awards“ во Холивуд.
Парот, кој стапи во брак во октомври 2019 година, го доби синчето Сај во февруари 2022 година.
