Светот на пребогатите е исполнет со многу луксузни нешта. Едно од нив е и оваа супер луксузна јахта која може да се купи по цена од 20,5 милиони евра.
Но, дури и да имате толку пари и да сакате да ја купите, треба да бидете многу брзи, затоа што ќе бидат направени само 6 вакви јахти, а веќе има 5 понуди од милијардерите низ светот за само една недела.
Ако луксузот не ги примами богаташите, производителите на ова „чудо“ смислиле нешто на кое никој не може да му одолее. Јахтата се продава во комплет заедно со фантастичен суперавтомобил кој може да достигне максимална брзина од 375km/h.
Во склоп на јахтата има и гаража за сопствениците да не мора да се разделат од својот автомобил во текот на патувањето.
Основачот на шведската компанија Strand Craft, која стои зад футуристичкиот проект, изјавил дека ги прават јахтата и автомобилот за многу богатите.
„Имаме голем интерес од цел свет, особено од Блискиот Исток. Дизајнирано е за луксуз и за луѓето кои го сакаат најдоброто.“ – додал тој.
