Кога е човек заљубен, прави романтични нешта.
Џошуа Ренауд од САД ѝ предложи брак на саканата Британи со помош на нејзините четири деца, а слаткиот момент беше овековечен со видео кое ќе стане прекрасен спомен за целото семејство.
Во него, Џош и четирите деца носат маици на кои пишува: „Дали може да го викаме Џош ‘Тато’?“, додека тој е клекнат на едно колено држејќи го прстенот во раката.
Широка насмевка блика на лицето на среќната мајка и идна сопруга кога ќе ги здогледа сите заедно.
„Британи, ти ми покажа таква љубов, каква што никогаш не мислев дека можам да почувствувам и ќе ми биде чест да бидам твој сопруг и ‘татко’ на овие деца“ – ѝ вели Џош на Британи, која радосно го прифаќа неговиот предлог.
Но, Џош не ги заборави и децата. Тој повторно клекна на едно колено и подарувајќи им прстени им го поставуваше истото прашање.
@jrenaud03 Part 2… The Proposal! Check the comments for more details… #engagement#family#kids#proposal#proposingwithkids#fyp#fyp#fypageシ#foryou#foryoupage#fypage#husband#wife#fiance#dad#stepdad#dadlife#happy#bestdayevere ♬ Love - Revember
„Бев комплетно во шок. Имавме дискутирано за брак, но не мислев дека навистина ќе ми предложи. Само што се свртив и го прочитав прашањето, знаев што се случува. Се прашував дали нозете ќе издржат да ме однесат до другиот крај на собата бидејќи не ги чувствував“ – објаснила Британи.
„Знаев дека чекорам кон мажот кој ќе стане не само мој сопруг, туку и татко на моите прекрасни деца. Гледајќи ја љубовта во нивните очи и возбудата на нивните лица, инстaнатно бев преправена со емоции“ – дополнила таа.
Очувот на Џош на истиот начин ѝ предложил брак на неговата мајка, кога тој имал само четири години. Затоа, Џош знаел дека ова е вистинскиот начин на кој треба да ја побара Британи за жена.
