Принцезата Шарлин изненади со смела фризура која вообичаено не се асоцира со кралски изглед.
На празничен настан во палатата во Монако, 42-годишната Принцеза се појави со панк рок асиметрична фризура со делумно избричена глава.
Почитувајќи ги мерките за заштита од коронавирусот, Шарлин носеше блескава маска.
Заедно со сопругот Алберт и нивните близначиња Жак и Габриела, таа им делеше подароци на мали дечиња.
Пред само неколку дена, популарната принцеза сподели фотографии од 6-тиот роденден на малите наследници.
И претходно Шарлин претпочиташе кратка коса, но овој пат се одлучи за похрабра стилска промена.
