Татко се облекува себеси и својата 9-месечна ќерка во забавни костими, а хумористичните фотографии ги споделува на социјалните мрежи.
Шолом Соломон стана хит на интернет благодарение на одличната смисла за хумор и врската којашто ја има со ќеркичката Зои. 36-годишниот татко вели дека нема намера да престане да го овековечува растењето на Зои на овој начин и дека ќе ја фотографира сè додека таа му дозволува.
„Планирам да правам фотографии со неа сè додека таа ќе ми дозволува“ – вели тој.
И пред да стане татко, Шолом создавал слични фотографии, но тврди дека оние со ќеркичката се далеку позабавни и послатки.
„Таа дефинитивно ги прави сите фотографии многу послатки и без неа јас сум само дебелиот буцкаст тип кој сака да прави будалести фотографии. Идеите за нашата следна авантура се бескрајни“ – вели Соломон.
