Време е за дружење! Денес светот го празнува Меѓународниот ден на пријателството. Ден кога треба да се потсетиме на лицата кои најмногу ни значат, а со кои не сме крвно поврзани, и да прославиме за специјалните врски кои ги градиме со нив.
Датумот 30 јули беше назначен за Меѓународен ден на пријателството во 2011 година од страна на Генералното собрание на Обединетите Нации со идејата дека пријателството меѓу луѓето, земјите, културите и индивидуите може да инспирира напори за мир и да изгради мостови помеѓу различните заедници.
Овој празник се славеше и претходно, но не беше признат официјално. Во негова чест, во 1988 година сопругата на тогашниот Генерален секретар на ОН, Кофи Анан, го прогласи мечето Вини Пу за светски Амбасадор на пријателството на ОН.
Цитати за пријателството
„Понекогаш градиме ѕидови, но не за да ги спречиме другите да допрат до нас, туку за да видиме кој се грижи доволно за да ги сруши.“
Сократ
„Вистинскиот пријател ја гледа првата солза, ја фаќа втората и ја спречува третата.“
Непознат автор
„Пријател е личност која знае сè за тебе и сè уште те сака.“
Елберт Хабарт
„Вистински пријател е оној кој ја гледа тагата во твоите очи, додека сите останати веруваат во насмевката на твоето лице.“
Непознат автор
„Вистината е дека сите ќе те повредат. Ти само треба да ги пронајдеш оние за кои вреди за страдаш.“
Боб Марли
„Пријателството е една душа која живее во две тела.“
Аристотел
„Вистинските пријатели се како дијаманти, тие се скапоцени и ретки. Лажните пријатели се како лисја, ги има насекаде.“
Непознат автор
„Љубовта е единствената сила способна да трансформира непријател во пријател.“
Мартин Лутер Кинг
„Пријателството е деликатно како стакло. Кога еднаш ќе се скрши, може да биде поправено, но секогаш ќе има пукнатини.“
Вакар Амед
„Најдобриот пријател е како детелина со четири лисја. Тешко е да го најдеш, среќен си кога го имаш.“
Непознат автор
„Мој најдобар пријател е оној којшто го вади најдоброто од мене.“
Хенри Форд
„Нема ништо подобро од пријател, освен пријател со чоколадо.“
Линда Грејсон
„Добрите пријатели е тешко да ги пронајдеш, уште потешко да ги напуштиш и невозможно да ги заборавиш.“
Непознат автор
„Како што растеме, осознаваме дека помалку важно е да имаш многу пријатели, а поважно е да имаш вистински пријатели.“
Зијад К. Абдалнур
„Добриот пријател ги знае твоите најдобри животни приказни, најдобриот пријател ги доживеал заедно со тебе.“
Непознат автор
„Не е чудо да имаш милиони пријатели. Чудо е да најдеш пријател кој ќе биде покрај тебе кога милиони лица ќе бидат против тебе.“
Имам Али
„Добри пријатели, добри книги и заспана совест – тоа е идеалниот живот.“
Марк Твен
„Стремете се да имате пријатели, бидејќи животот без пријатели е како живот на пуст остров. Да пронајдеш еден вистински пријател во животот е добра среќа, да го задржиш е благослов.“
Балтазар Грасиан
