Поддршката од семејството дефинитивно е најважна во тешките моменти.
Момче, кое се бори со рак, беше изненадено кога неговите татко и брат си ја истетовираа лузната од неговата операција за да му покажат колку го сакаат и да му пренесат порака дека не треба да се чувствува поразлично од другите.
Имено, 16-годишниот Џаспер О’Брајант две години прима хемотерапии и се лекува од остеосарком (рак на коските) во болница во Тексас.
„Кога дојде до идејата за тетоважите, веднаш се согласив. Не се двоумев воопшто за тоа што ќе се случи. Тоа беше нешто кое веднаш сакав да го направам за него“ – изјавил неговиот брат Нејтан.
Џаспер признал дека бил многу изненаден од овој гест. „Јас не избрав да ми направат операција. Да бидам искрен, беше или тоа или смрт. Затоа, фактот што тие избраа да си стават нешто трајно на телото е многу значајно. Идејата беше одлична“ – рекол Џаспер.
