Меган Маркл и принцот Хари рака за рака пристигнаа на доделувањето на наградите „WellChild“ во Лондон.
37-годишната војвотка шармираше во зелениот фустан кој го носеше за објавувањето на свршувачката во 2017 година. Креацијата доаѓа од брендот P.A.R.O.S.H. Својот изглед, Меган го надополни со бежово палто од Sentaler, чантичка од Montunas и салонки од Manolo Blahnik.
На манифестацијата посветена на сериозно болни деца, принцот Хари држеше говор во кој зборуваше за новата улога на татко и едвај ги совлада емоциите. Тој откри дека за време на минатогодишното доделување на наградите со Меган знаеле дека наскоро ќе станат родители, но сè уште не можеле да ја споделат веста со светот.
Тој им оддаде почит на инспиративните деца, кои се соочуваат со тешки болести и призна дека сега, кога е татко, тоа допира многу подлабоко во него.
„Се сеќавам дека силно ѝ ја стегав раката на Меган за време на наградите и двајцата си мислевме како ќе биде кога еден ден ќе станеме родители. Обраќањето до вас сега, како родител, ми допира до срцето на начини кои никогаш не можев да ги разберам, сè додека не добив свое дете. Никој родител не сака да слушне дека неговото дете ќе страда, дека ќе се соочи со неверојатни предизвици кои ќе влијаат на целиот негов живот.“
„Откако ги запознав сите родители и деца на ‘WellChild’ во текот на годините, тие успеаја да ни дадат смисла за оптимизам и надеж и сила кои ниту еден професионалец, ниту еден бестселер или совет не може да ни ги даде, па ви благодарам што сте онакви какви што сте“ – рече Хари.
Видео
Наградите „WellChild“ ги слават инспиративните квалитети на сериозно болни деца и млади лица од Велика Британија, како и посветеноста на оние кои се грижат за тие деца да бидат здрави и среќни.
