Синоќа во Стокхолм беа доделени Нобеловите награди за медицина, физика, хемија, литература и економија.
По тој повод, беше организиран гламурозен банкет на кој присуствуваа над 1.000 гости.
Покрај добитниците на престижните награди, почесни гости на церемонијата беа членовите на шведското кралско семејство.
Принцезата Викторија се појави во сина раскошна тоалета, која ја надополни со блескавата тијара Swedish Aquamarine Kokoshink и чантичка од Bottega Veneta.
40-годишната престолонаследничка го придружуваше Кип Торн, кој е еден од добитниците на Нобелова награда по физика.
Принцезата Софија зачекори на свеченоста со професорот Бари Бериш, кој исто така, беше почестен со Нобелова награда за физика.
Шармантната дама носеше блескав фустан од шведската дизајнерка Ида Ланто. Во својот стајлинг, Софија ја додаде и тијарата која ја носеше на свадбата со принцот Карл Филип.
Принцезата Меделин, која е бремена со третото дете, го сокри трудничкото стомаче под креација од Seraphine.
Кралицата Силвија изгледаше отмено во виолетова тоалета и блескав кралски накит.
