Принцезата Кетрин изгледаше прекрасно на синоќешниот забавен настан Royal Variety Performance во Лондон.
На настанот, кој обединува музика, танц, комедија и магија, 41-годишната припадничка на британското кралско семејство мамеше погледи во елегантна креација од брендот Safiyaa, која чини 1.600 долари. Кетрин и принцот Вилијам имаа сладок момент пред влезот на концертната сала „Ројал Алберт Хол“.
Пред да зачекори на црвениот тепих, Вилијам ѝ подаде рака на Кетрин, а тој момент стана хит на интернет.
Кралскиот пар го проследи шоуто заедно со идните крал и кралица на Шведска, принцезата Викторија и принцот Даниел. Викторија изгледаше гламурозно во црн фустан од Toteme.
