Принцезата Кетрин го украде целото внимание на синоќешниот прием на BAFTA (Британската академија на филмски и телевизиски уметности) во Лондон.
41-годишната припадничка на британското кралско семејство шармираше во црвен костум од Александар Меквин, кој го искомбинира со салонки од Џанвито Роси и чантичка од брендот Miu Miu. Кетрин беше придружувана од принцот Вилијам.
Впечатливите обетки на Кетрин се од Chalk, а таа претходно ги има носено на настан во јуни 2022 година.
На сцената, Кетрин ја претстави својата нова кампања „Shaping Us“, која има за цел да ја истакне огромната важност на раното детство и начинот на кој тоа влијае во какви возрасни личности ќе се претвориме.
„За време на овој период, ние ги поставуваме основите и започнуваме да ги градиме коцките на животот. Тогаш учиме да се разбираме себеси, да ги разбираме другите и да го разбираме светот во кој живееме. Клучно е не само да ја разбереме уникатната важност на нашите најрани години, туку и да знаеме што можеме сите да направиме за да израснеме идни генерации од среќни и здрави возрасни“ – рече таа.
