Професионална танчарка сподели фотографија од својот голем стомак, направена 8 дена по породувањето, за да порача дека е потребно време за телото на новите мајки да се врати во форма.
На фотографијата, 30-годишната ѕвезда од американското шоу „Dancing With The Stars“, Пита Мургатројд, позира пред огледало по хеланки и градник. Во описот, таа пишува дека луѓето треба да престанат да очекуваат дека жените веднаш ќе си ја вратат линијата од пред бременоста.
Вистински живот: Ја направив оваа фотографија 8 дена по породувањето. Кога излегов од болница, изгледав како да сум 5 месеци бремена. Многу луѓе мислат дека жената треба веднаш да се врати на својата тежина од пред бременоста. За најголем дел од жените, тоа не е возможно. Женското тело е неверојатно и издржливо, но опоравувањето и зајакнувањето бараат време. Сега е време за трпение и напорна работа. Им испраќам многу љубов на новите мајки, кои минуваат низ ова патување.
Пита пред забременувањето
Пита е во брак со професионалниот танчар Максим Чмерковски од декември 2015 година. Парот го доби синчето Шеј Александер на 4 јануари годинава.
Во минатата сезона на шоуто „Dancing With The Stars“, славната танчарка беше партнерка со глувиот танчар Најл ДиМарко.
