Млада мајка стана хит на интернет откако присуствуваше на нејзиното дипломирање 24 часа по породувањето.
Еби Бејлиф се стекна со докторска диплома и стана мајка во период од неколку часа и доби многу аплаузи од целиот свет. TikTok видеото составено од нејзината сестра веќе има повеќе од милион прегледувања на популарната социјална мрежа.
@hannahpaigern and thats on girl power #superwoman #dnp #newmom #doctorate ♬ FLESH. - Fnatylqrd
Терминот за породување на новата мајка бил на 27 април и таа мислела дека ќе има доволно време за да се адаптира на новата улога пред да дипломира. Но, нејзиниот син имал други планови.
Малиот Боди се родил на 3 мај во 3 часот попладне, а следниот ден во истото време била закажана церемонијата за доделување на дипломите.
„Секој ден во изминатите 40 недели си велев дека настанот се приближува повеќе и повеќе“ – рекла Еби и објаснила дека морала да се породи со провокации на 2 мај, бидејќи докторите биле загрижени за белите дробови на бебенцето.
„Се мислев дали да одам или не, бидејќи не сакав да бидам лоша мајка и да го оставам само што се вратив дома. Но, потоа помислив дека треба да го направам тоа. Мајка ми и сестра ми помогнаа да се подготвам“.
„Работев многу напорно за да го направам сето ова и да си ги остварам соништата и целите. Сето ова беше за Боди“ – објаснила среќната мајка.
Бејлиф вели дека не сфатила колку многу постигнала сè додека не го видела TikTok видеото на сестра ѝ. Во тој момент се почувствувала како суперхерој.
„Жените се многу способни да направат сè што е потребно за да си ги постигнат целите, истовремено да се мајки и да имаат професионални цели“ – рекла таа.
Во коментарите на TikTok се нижат честитки и пофалби за истрајноста, упорноста и посветеноста на Еби.
„Не знам дали сум била погорда за некој кој не го познавам“, „Никој друг освен жена нема да разбере колку нереално неверојатно е ова“, „Самото чекорење по 24 часа е неверојатно, а не пак на бината“ – се само дел од коментарите.
