Џесика Себастијан им го менува животот на децата и им ја зголемува самодовербата, правејќи им кукли кои личат на нив.
Таа често добива интересни нарачки, но била трогната кога една мајка ѝ побарала да направи зајаче со едно око за нејзината ќерка Брин да може да се поврзе со него и да не се чувствува различно.
Правам кукли, што не е некаква херојска професија. Но, неодамна, ме замолија да направам кукла за мало девојче кое е суперхероина. Една мајка ме контактираше и побара да направам кукла зајаче со едно око за нејзината 2-годишна ќерка која обожава животни и го изгуби нејзиното лево око поради рак. Девојчето започна да забележува дека е различно и нејзината мила мајка читаше статии за тоа колку е полезно и терапевтско да пронајде кукла која ќе биде иста како детето.
Сакаше нејзината ќерка да има кукла која ќе изгледа исто како неа и ќе го има само десното око. До ден-денес мислам дека никој не побарал од мене да создадам нешто толку нежно и значајно. Ова е неодоливото девојче на нејзиниот трет роденден, го гушка своето еднооко зајаче, кое е исто толку убаво и совршено како и самата таа. Мојот омилен дел од фотографијата е дека носи ноќница од Wonder Woman (Жената чудо). Тоа совршено ја претставува силата и храброста на оваа мала суперхероина.
Семејството на Брин ја добило страшната дијагноза дека таа има тумор зад левото око кога имала само една година. Докторот препорачал да ѝ се отстрани окото. Таа минала низ неколку операции и сега е во ремисија.
