Фотографија од сестри кои се породија во период од 90 минути во соби една до друга стана хит на социјалните мрежи.
Британи и Ешли отсекогаш сонувале да станат мајки истовремено, а на 14 декември нивниот сон стана реалност. Двете сестри родија синови во ист ден во иста болница.
Кога биле мали, тие често играле со нивните кукли и се преправале дека се мајки. „Сакавме заедно да станеме мајки. А потоа, тоа се случи во реалниот живот“ – велат тие.
Двете дознале дека се во блажена состојба во април, а нивниот термин за породување бил само на неколку дена растојание. Но, 29-годишната Ешли добила контракции во 2 часот наутро во истиот ден кога нејзината 30-годишна сестра Британи била закажана за индуцирано породување.
„Ми испрати порака во 2 часот наутро во која ми напиша дека има контракции и дека можно е да се сретнеме во болница. Имав можност да ја видам и поздравам и двете си разменивме сладок поглед. Тоа е како еден од оние моменти кои ги замислувавме како мали девојчиња“ – рекла Британи.
Двете се согласни дека бременоста во време на пандемија не е лесна, но тие постојано се поддржувале една со друга.
„Не е нормално и не е она што го замислуваш во главата, беше тешко, но тоа што ја имав сестра ми низ сето тоа, ми носеше утеха“ – рекла Британи.
