Македонско свадбено видео повторно се најде на листата на најдобрите во Европа, благодарение на експертите од Зага Продукција.
Видеото на Зага Продукција, посветено на љубовната приказна на Маја и Јован, беше наградено од Европската асоцијација на видеографи на настани (EEVA) во категоријата
Живописното видео „Where have you been“ ги следи младенците Маја и Јован и во најдобро светло ги прикажува убавините на Охрид и Охридското Езеро.
Со цел да го одбележи завршувањето на уште една успешна година, Зага Продукција неодамна го објави и видеото „Magnificent Frames“, во кое се прикажани фасцинантни кадри кои креативната компанија ги има снимено на локации низ целиот свет.
Во своето долгогодишно постоење, Зага Продукција им го има збогатено најубавиот ден од животот на многубројните клиенти со прекрасни визуелни спомени. Компанијата основана од Бојан и Далибор Митковски стои зад незаборавните свадбени видеа и албуми на илјадници младенци од целиот свет.
Ова не е првпат во нивни раце да заврши награда на EEVA. Со видеото „The Goddess and her Soulmate“ тие ја освоија првата награда во категоријата „The Best Walk 2013“.
Исто така, Зага ја прими наградата „Best Love Story 2011“ од EEVA за свадбено видео снимено во близина на Скопје.
Со сигурност може да се каже дека допрва ќе слушаме уште многу за успесите на тимот на Зага Продукција.
