Девојче не може да си ги задржи солзите кога на роденденот ќе дознае дека ќе биде посвоено од парот каде било згрижено.
Во видеото, 10-годишната Ајви отвора специјален роденденски подарок во кој е завиткана рамка со порака. „Ќе бидам посвоена!“ – извикува Ајви пред да започне да лее солзи-радосници.
„Те сакаме миличка. Ние секогаш ќе ти бидеме родители“ – вели нејзината мајка Пејџ.
Пејџ и нејзиниот сопруг Даниел одлучиле да ги посвојат и биолошките брат и сестра на Ајви,
Погледнете го видеото:
Ова засекогаш ќе биде моето омилено видео што сум го споделила. Ова беше денот кога ѝ кажавме на нашата ќерка дека ќе можеме да ја посвоиме (како и нејзините брат и сестра)!
Таа се молеше да биде посвоена и ние дознавме на нејзиниот роденден дека тоа ќе се случи! Па, следниот ден ѝ дадовме кутија со изненадување! Тајмингот на Бог беше совршен.
Нашите деца беа згрижувани 1.128 дена, во текот на 3 години. Тешко е за децата да живеат во таква неизвесност.
Посвојувањето е неверојатно и сакаме и другите да знаат дека посвојувањето на постари деца и групи од браќа и сестри може да биде најубавата авантура која можете да ја имате!
Пејџ и Даниел Зезулка го започнале процесот за посвојување на Ајви и Кеј во 2016 година, пред да се роди нивната сестра Лита. Првоначално, децата требало да се вратат кај родителите, но откако станало јасно дека тоа не е најдобрата опција за нив, тие биле сместени во згрижувачко семејство.
„Ајви е прекрасна и специјална, благословени сме што ни е ќерка. Понекогаш луѓето се плашат да ги земат предвид постарите деца, си мислат дека тие можеби ќе бидат ‘оштетени’. Нас ни падна џекпот. Ајви е многу благодарна. ни кажува дека сме прекрасни родители и е благодарна што е дел од нашето семејство, што е безбедна и сакана. Таа е прекрасна и ние сме благословени што ни е ќерка“ – рекла Пејџ.
„Таа живееше прашувајќи се што ќе се случи со неа. Ние го сакаме нејзиното биолошко семејство, како и таа, но стана јасно дека местото каде што сака да биде е со нас. Бог беше неверојатен со нас. Првата вечер кога таа се пресели кај нас, нè праша дали може да нè вика мама и тато. Вториот ден, нè праша дали ќе може да остане засекогаш“ – додала таа.
