Фотографии од деца направени на денот на нивното посвојување ќе ве освојат на прв поглед. Нивните насмевки зрачат среќа и возбуда за добивањето на семејство.
Момчињата и девојчињата биле згрижени од семејствата пред официјално да го добијат нивното презиме, па покрај нив е поставена табла на која е испишан бројот на денови кои ги минале под нивна грижа.
„Патот до посвојувањето може да биде тежок, но овие семејства покажуваат колку специјален е моментот кога детето ќе стане дел од семејството засекогаш. Гледањето на радоста на лицата на децата кои дознаваат дека ќе бидат сакани и поддржувани во останатиот дел од нивните животи е бесценето“ – велат од непрофитната организација „Together We Rise“ која ги споделува фотографиите на популарни социјални мрежи.
„Подигнувањето на свеста за посвојувањето по привременото згрижување е многу важно бидејќи постојат многу митови во кои мнозинството верува дека се вистина. Луѓето веруваат дека овие деца може да се 'лоши', деца со многу проблеми или дека нема да можат да си го дозволат тоа. Вистината е дека посвојувањето не кошта ништо, но најважно, овие деца се само деца кои сакаат и заслужуваат топли домови“ - додаваат од организацијата.
