Прегратката има голема моќ. Никој од нас не може да остане рамнодушен на топол физички допир со кој изразуваме љубов, грижа, пријателство, утеха и внимание.
Речиси цела година коронавирусот нè спречува да се гушкаме со лица кои многу ги сакаме и цениме. Но сепак, да не заборавиме дека денес се одбележува Светскиот ден на прегратката.
Празникот започнал да се одбележува прво во САД во 1986 година, но подоцна бил прифатен од многу држави низ светот. Датумот 21 јануари е избран бидејќи е на средината помеѓу Божиќ (католички) и Св. Валентин, кога се смета дека луѓето се подепресивни и емотивно истоштени.
Во чест на овој празник, еве неколку убави цитати:
„Прегратката е како бумеранг, ја добиваш веднаш назад.“
Бил Кејн„Прегратките се универзален лек.“
Непознат автор„Еден ден некој ќе те прегрне толку силно, што сите скршени делчиња од тебе ќе се состават повторно заедно.“
Непознат автор„Прегратката на мајката трае долго откако ќе престане.“
Непознат автор
„Научив дека постои повеќе моќ во добра силна прегратка отколку во илјадници значајни зборови.“
Ен Худ„Понекогаш тивката прегратка е единственото нешто што треба да го кажете.“
Роберт Браулт
