Некои приказни ја враќаат вербата во човештвото, докажувајќи ни дека во светот постојат прекрасни личности.
Таков е случајот со Хесус Вилануева, кој сред маратон му подарил патика на натпреварувач чија обувка се распаднала. Откако ја завршил трката, во обид да си ја пронајде патиката, тој дознал дека со своето мало добро дело му помогнал на дечко со аутизам да си го оствари сонот да се квалификува на Бостонскиот маратон.
Минатиот месец, за време на маратонот во Мексико Сити, патиката на Џери Манцано се распаднала, што негативно се одразило на неговото темпо на трчање. Тоа го забележал Хесус и без размислување ја соблекол својата патика и му ја дал. Иако обувката била поголема за три броеви, сепак му помогнала на упорниот дечко да ја заврши трката и да се квалификува за Бостонскиот маратон.
Подоцна, преку социјалните мрежи, добродушниот натпреварувач дознал за големината на неговото добро дело.
Џери има аутизам и нему му е многу важно да трча маратони, а сон му било да учествува на маратонот во Бостон. Благодарение на времето од 2:55:27, тој се квалификуваше, што немаше да може да го направи со една патика.
