Травис Селинка дозна колкава е моќта на пријателството. 10-годишното момче неодамна ја изгубило целата коса како резултат на третман со радијација за лекување на рак на мозокот, па се плашело да се врати на училиште со ќелава глава.
„Беше малку загрижен за враќањето на училиште само затоа што немаше коса. Се плашеше што ќе мислат другите деца“ – изјавила мајката на Травис.
Во знак на поддршка, петнаесет пријатели на Травис си ги избричија главите.
Травис со солидарните другари
„Без јас да знам, едно од момчињата со неговата мајка испланираа сè. Сите тие се убави прекрасни луѓе“ – изјавила учителката.
„Петнаесет момчиња влегоа во таа берберница, 15 мажи излегоа. Секој пат кога ќе помислам на тоа, ми се полнат очите со солзи“ – рекла мајката на Травис.
Постапката на пријателите му го олеснило враќањето на Травис во училишните клупи. „Сакам многу да им се заблагодарам што го направија тоа“ – изјавил Травис за телевизијата Fox 5 San Diego.
