Мајка на две деца, која се соочувала со депресија поради тежината, ослабе 27 килограми и целосно си го трансформираше телото. Сега таа е полна со самодоверба и се гордее со своите резултати, гордо покажувајќи ја виснатата кожа.
Лидија Инестроза немала проблеми со килограмите, сè додека не стапила во брак и не го родила првото дете. Таа водела нездрав начин на живот, а нејзината исхрана се состоела главно од брза храна и газирани пијалаци. Поради тоа, нејзините килограми постојано се зголемувале и достигнала тежина од 91 килограм.
„Само јадев, гледав телевизија и се грижев за децата. Тоа беше мојата дневна рутина. Бев депресивна, постојано бев тажна и не сакав да излегувам зашто имав проблем да изберам што ќе облечам. Не ми се допаѓаше она што го гледав во огледалото и мислев дека никогаш нема да ослабам. Тоа ме правеше уште подепресивна. Си велев себеси дека не вредам, дека изгледам како ѓубре. Не се сакав себеси“ – вели Лидија.
„Мојот живот тогаш се состоеше од два збора, а тие беа ‘Посакувам да...’. Посакувам да сум фит. Посакувам да сум здрава. Посакувам да изгледам како онаа девојка. Посакувам да ги носам овие фармерки“ – објаснува таа.
Откако забележала дека зголемената тежина започнала да ѝ влијае на врската со сопругот, таа одлучила дека е време за промени. „Си реков почни да правиш нешто во врска со тоа“ – вели таа за моментот кога решила да ослаби.
Лидија не само што започнала да тренира секој ден, туку и целосно си ја променила исхраната, насочувајќи се кон високо протеински оброци и многу овошје и зеленчук. Резултатите се очигледни и таа сега тежи 64 килограми.
„Имам многу поголема самодоверба, повеќе не сум депресивна, се гордеам со себе“ – вели таа.
„Едно од најпоставуваните прашања е дали имам вишок кожа. ДА, се разбира дека имам.“
„Решив да ја прифатам мојата висната кожа за да им испратам порака на другите девојки дека тоа е ОК, дека никој не е совршен.“
„Би им рекла на луѓето кои сакаат да ослабат да го направат тоа, да престанат да посакуваат и да преземат чекори. Не дозволувајте виснатата кожа да ви биде изговор за да не го промените вашиот начин на живот. Вишокот на кожа ќе биде дел од вашето патување и ќе раскажува приказна“ – порачува Лидија.
Видео
