Сте се замислиле ли колку шминка користите во текот на една година? Уметничкото дуо Лернет и Сандер со своето ново видео им покажа на жените како би изгледало кога би нанеле на себе 365 слоја шминка, т.е. шминка за цела година.
Мејкап артистот Фери ван дер Нат и неговата асистентка потрошиле вкупно 7 шишенца пудра, 2 шишенца кремаста сенка за очи, 3 моливи за усни и 2 шишенца руменило за да ја остварат целта.
Биле потребни 9 часа за лицето на моделот Ханелор Кнутс да стане од природно убаво, до одвратно. Иронично, видеото е со наслов „Природна убавина“.
Видеото и нема некоја поента. Но, со поента или не, интересно е да се види колку шминка би искористиле под претпоставка дека се шминкате секој ден.
