Стрелец (22. XI – 21. XII)

Петок, 15 Ноември 2024

Кој вели дека здравиот начин на живот нема резултати кај вас? Погледнете се во огледалото, денес полната месечина ќе ги осветли резултатите од вашиот труд, покажувајќи ви дека ништо не е залудно. Одеднаш ќе имате огромна мотивација за живеете уште поздраво.

Морате да си го организирате максимално животот. Хаосот ќе води до неуспех во претстојните денови.

Ноември, 2024

Љубов

Ноември носи силни дози љубов и романтика во вашиот живот.

На 1 ноември младата месечина ќе означи ново поглавје во вашиот живот. Фасцинантни лица ќе ви го разубавуваат секој нареден ден, а некој од нив ќе ви го освои и срцето.

Љубовниот живот ќе ви цути во текот на ноември, а вие ќе уживате и уживате и уживате. Венера, планетата на љубовта и убавината, во првите десет дена од месецот ќе престојува во вашиот знак, правејќи ве неодоливи. Освојувањето на срцето на оној кој ви се допаѓа ќе ви биде екстремно лесно. Под влијание на Венера, ве очекуваат романтични моменти како на филм.

Ќе престанете да ги поттурнувате вашите желби и потреби за да ги задоволите оние на партнерот и отворено ќе зборувате за нештата што ве усреќуваат. Зголемената почит кон себе ќе ја зголеми и почитта на партнерот кон вас, па веројатно ќе забележите дека тој ве гледа како капка роса.

И сексапилниот Марс ќе го вжештува вашиот љубовен живот во првите три дена од ноември со својот престој во вашата куќа на сексот и интимноста. Физичките допири на партнерот ќе имаат моќ да ви ја разбудат страста за само неколку секунди, па резервирајте ги овие три ноќи за интимни состаноци зад затворени врати.

На 11 ноември романтичната Венера ќе премине во вашата куќа на стабилноста. Ќе ви се допаѓа кога слушате од устата на партнерот дека сака да бидете заедно засекогаш, бидејќи ќе имате потреба да го чуете токму тоа. Ќе сакате доказ дека и вашиот сакан се замислува со вас во иднина, како што се замислувате вие со него.

Сингл стрелците ќе престанат да ги сметаат „лошите“ момци за привлечни и ќе го свртат својот поглед кон стабилни лица кои знаат да ја ценат не само надворешната туку и внатрешната убавина. Во втората половина на ноември, ќе бидете посклони да се разгалувате себеси, но и ќе уживате кога другите го прават тоа.

На 15 ноември Плутон ќе премине во водолија, вашиот сектор на комуникацијата. Полесно ќе комуницирате со партнерот и ќе можете да му ги поставите оние прашања кои секогаш ги голтавте со страв дека ќе ве разочара она што ќе го слушнете. Ако не сте во врска, ова е идеален период за излегување, онлајн запознавање на нови личности и присуствување на сите забави и културни настани. Колку повеќе луѓе има околу вас, толку повесели ќе бидете.

Најубавиот период од годината за вас ќе започне на 21 ноември, кога Сонцето ќе го осветли вашиот знак. Не мора да чекате да дојде Нова година за да си поставите мисија пред себе. Направете го тоа сега, заедно со вашата роденденска желба. Потоа, уживајте во магијата на сезоната на стрелецот.

Пари и работа

Ве очекува успешен месец.

Доколку работите со партнер, жестокиот Марс може да создаде тензија во вашите односи на почетокот од месецот. Сепак, тој период ќе трае само 3 дена. Откако на 4 ноември енергичната планета ќе се пресели во вашиот сектор на патувањата и експанзијата, пред вас ќе се отвори цел еден свет од можности. Некои стрелци ќе се охрабрат да започнат сопствен бизнис, други да го прошират постоечкиот, трети ќе заминат на работа во странство, а четврти ќе направат чекор кој претходно им ја ежел кожата.

На 2 ноември Меркур ќе премине во вашиот знак, претворајќи ве во експерти за преговарање, продавање и јавно говорење.

Полната месечина на 15 ноември ќе го акцентира вашиот перфекционизам. На овој ден можно е да вработите некого доколку сте на раководна позиција.

Откако Сонцето ќе премине во вашиот знак на 21 ноември, ќе блеснете на работното место како никогаш дотогаш. Енергијата којашто ја собиравте во изминатиот месец сега ќе ве направи лидер и главен фактор на работа. Стрелајте кон ѕвездитеи верувајте дека можете да ги достигнете.

Здравје

Во ноември не се форсирајте себеси и почесто одморајте се физички, но и психички. Сонцето ќе ги помине првите три недели од месецов во вашиот сектор на одморот и завршетоците, па ќе се чувствувате летаргично. Завршувајте ги задачите кои веќе ги имате започнато за да не си создадете дополнителен стрес со трупањето на нови обврски.

Доколку сте избегнувале одредени лекарски прегледи поради страв, одредено случување на 15 ноември ќе ве натера да ги направите. Полната месечина ќе ве потсети дека не треба да го земате здравјето здраво за готово.

Ќе блеснете во целиот свој сјај, со нова енергија и ентузијазам на 21 ноември кога ревитализирачкото Сонце ќе влезе во вашиот знак. Ништо нема да може да ве запре, па слободно можете да си поставувате големи цели, како целосно менување на режимот на исхрана или зачестување на вашите тренинзи.

2024 година

Љубов

2024 година ќе ви започне страсно и романтично. Под влијание на Венера, планетата на љубовта и убавината, која ќе престојува во вашиот знак до 23 јануари, за време на празничниот период ќе ве обземе силна страст која ќе резултира со жешки средби со саканиот, или пак, ќе се израдувате на прстен на раката. За некои сингл стрелци празниците ќе донесат почеток на нова врска со огромен потенцијал.

Младата месечина на 8 април е во вашиот сектор на страста и флертувањето, а ќе има и целосно затемнување на Сонцето. Очекувајте возбудлива ноќ со саканиот зад затворени врати. Доколку не сте во врска, ќе пронајдете личност на која нема да се двоумите дали да ѝ го подарите срцето.

Најповолниот период за љубов за вас е од 5 до 29 април, кога Венера, планетата на љубовта и убавината, ќе се движи низ вашата петта страсна куќа. Ќе привлекувате многу додворувачи со шарм на кој ретко кој ќе може да одолее. Голема е веројатноста да се зближите со личност која спаѓа во категоријата „забрането овошје“. Стрелците кои се во врска ќе се почувствуваат како да минуваат низ период на преродба, бидејќи Венера значително ќе им ги вжешти односите со партнерот.

Љубовниот живот потоа ќе ви го разубавува Марс, кој од 30 април до 9 јуни ќе патува низ вашиот жежок сектор на страста, флертувањето и романтиката. Марс ќе ве поттикне да експериментирате во односите со саканиот со цел да ја разбиете монотонијата. Многу стрелци ќе се почувствуваат особено блиски со саканиот. Не сте во врска? Марс неосетно ќе ве приближи до личност која за кратко време ќе допре до длабочините на вашата душа.

Планетата-учител Сатурн ќе ја помине цела година во вашата фамилијарна 4-та куќа, учејќи ве да не ги земате најблиските роднини здраво за готово. Многу стрелци ќе ја откријат волшебната страна на родителството.

Стрелците кои се во брак ќе наидат на потешкотии во комуникацијата со саканиот во периодот од 26 јуни до 15 ноември, бидејќи Сатурн ќе се движи ретроградно во секторот на домот и семејството. Сепак, проблематичните односи ќе ве зближат со партнерот и ќе ве научат како да бидете потрпеливи еден кон друг. Сатурн е учител, па неговите лекции ќе ги користите во останатиот дел на годината за да уживате во семејна хармонија.

Проблеми поврзани со љубомора, недоверба и тајни ќе се појават во животите на многу стрелци во периодот по 9 октомври, бидејќи Јупитер ќе се движи ретроградно. Бидете посветени на надминување на проблемите и во никој случај не ги поттурнувајте настрана нерешени.

Марс наесен ќе ви дава магнетизам кој ќе ги привлекува сите погледи. Ако што било во минатото ве натерало да престанете да верувате во љубов, сега ќе сретнете лице кое ќе ви ја врати вербата и ќе ви покаже дека заслужувате да добивате многу внимание. Време е отворено да зборувате за вашите желби и потреби доколку сте во врска. Вашиот сакан ќе биде како маѓепсан од вашата привлечност и со задоволство ќе исполнува сè што ќе посакате од него.

Венера ви подготвува изненадувања и во втората половина од годината. Од 17 октомври до 11 ноември, романтичната планета ќе престојува во вашиот знак, подарувајќи ви романтични мигови кои ќе се врежат во вашите сеќавања. Не сте во врска? Пред почетокот на зимата, ќе најдете партнер кој со задоволство ќе ве топли во својата прегратка во студените ноќи.

Пари и работа

2024 година е идеална за успеси со кои ќе се гордеете.

На почетокот на годината, неколку планети ќе патуваат низ вашиот сектор на парите и работата, па додека другите луѓе размислуваат за пауза на професионален план, вие ќе размислувате како да стигнете до поголеми приходи.

За успесите на почетокот на 2024 година заблагодарете му се најмногу на Марс, кој ќе остане во вашиот сектор на парите и работата до 13 февруари. Црвената планета ќе ви даде мотивација да правите големи чекори на професионален план, ќе ви го разбуди натпреварувачкиот дух и ќе ви даде енергија да се борите за она што е ваше. Лошата страна на Марс е што носи зголемен стрес, бидејќи заедно со подобрувањето на финансиската состојба, доаѓаат и повеќе обврски.

Јупитер, планетата на среќата и оптимизмот, ќе се движи директно низ вашиот сектор на партнерствата од 25 мај до 9 октомври. Ќе се здружите со личност која надоместува за вашите слаби страни и заедно ќе тргнете на мисија која ќе заврши со значаен финансиски успех.

Јупитер ќе ве направи посклони кон ризикување. Не се лажете со понуди кои ви ветуваат брза заработка. Под влијание на Јупитер, многу стрелци ќе паднат на искушението да се „коцкаат“ со пари.

Од 22 август до 22 септември Сонцето ќе патува низ девица, вашиот сектор на кариерата и долгорочните планови. Ќе можете лесно да ги убедувате луѓето да застанат на ваша страна, па нема да ви биде проблем да преговарате или да продавате. Стрелците кои работат директно со клиенти најмногу ќе го почувствуваат позитивното влијание на Сонцето.

Сериозниот Сатурн ќе ја помине цела година во вашата 4-та куќа, зголемувајќи ја вашата потреба од сигурност. Размислете како можете да ги претворите вашите брилијантни идеи во одржлив бизнис. Женска фигура можно е да одигра важна улога во вашата кариера во 2024 година. Со неа ќе извојувате многу победи со кои ќе се гордеете.

Годината ќе ја завршите со прославување на голем успех кој ќе ви докаже дека напорната работа се исплаќа. На 21 декември Сонцето ќе го осветли вашиот сектор на парите и работата и ќе ви го олесни патот до професионалниот успех.

Здравје

Во текот на 2024 година, Уран ќе патува низ вашата 6-та куќа на здравјето и фитнесот. Уран е планетата на неочекуваните промени, па ќе ги изненадите луѓето кои не очекувале дека можете да се откажете од некои лоши навики.

Кој вели дека вежбањето или здравата исхрана се здодевни? Вие ќе бидете жив доказ дека тоа мислење е погрешно. Ќе бидете извонреден шеф во кујната кој постојано смислува вкусни и неодоливи јадења, а со шеги и музика ќе си ги разнообразувате тренинзите.

Најголема веројатност за воведување новитети во вашиот начин на живот има на 8 мај, бидејќи тогаш настапува млада месечина во бик, вашата 6-та куќа на здравјето и фитнесот.

До 26 мај среќниот Јупитер ќе престојува во бик, вашиот сектор на здравјето и фитнесот. Ќе забележите подобрување на здравствената состојба, благодарение на промената во навиките на хранење и зголемувањето на активноста.

Внимавајте на здравјето во периодот по 1 септември, кога Уран ќе се движи ретроградно. Ако случајно се појави одредена болка, не ја игнорирајте и посетете лекар.