Рак (21. VI – 22. VII)
Недела, 08 Септември 2024
Поспијте малку подолго денес. Енергијата нема да ви биде на посакуваното ниво, но тоа не е нешто лошо. Секој има потреба од добар одмор понекогаш, не дозволувајте тоа да ве фрустрира.
Слушајте го вашето тело без разлика што ќе правите во текот на денот. Не се истоштувајте.
Септември, 2024
Љубов
Љубов, љубов, љубов! Септември ќе ви донесе многу романтични ноќи со саканиот, но и многу додворувачи, независно од љубовниот статус. Сексапилниот Марс од 4 септември ќе патува во вашиот знак, обвивајќи ве во магнетска привлечност.
Интимноста со партнерот ќе продолжи да ви се зголемува, како и вашето либидо. Многу ноќи ќе поминете притиснати еден до друг под чаршафите. Раковите со статус сингл почесто треба да стрелаат со поглед кон оној што им се допаѓа.
Венера, планетата на љубовта и убавината, повеќе од три недели ќе престојува во вашата 4-та куќа на сентименталноста, правејќи ве чувствителни на сè што се случува околу вас. Луѓето ќе ги обожаваат вашата ранливост и емпатијата, зашто ќе знаат дека можете да се поврзете со нив. Заштитете го вашето срце од „повреди“, стоејќи подалеку од лица кои би можеле да ве ранат или кои ве имаат повредено во минатото. На останатите, покажете им колку интензивно може да љуби еден рак.
Многу љубовни партнери ќе го пронајдат совршеното место за живеење или ќе одлучат да создадат свое семејство. Ако сакате да разговарате за нешто важно со саканиот, сега се вашите „пет минути“.
На 3 септември ќе настапи млада месечина во вашата 3-та куќа на локалните случувања. Не ја барајте љубовта на далечни локации низ светот, таа е во вашето место на живеење. Можно е да се заљубите до учи во ваш сосед или долгогодишен пријател.
Поставеноста на Венера и Уран на 16 септември може да роди љубовни расправии поради вашата работа или работата на партнерот. Можно е да го жртвувате времето со партнерот за да довршите работни задачи.
Пауза од социјалниот живот ќе ви треба во последните денови од месецот. На 22 септември, Сонцето ќе премине во вашата 4-та куќа на домот и семејството, повикувајќи ве да му се посветите на семејството. Ова е одличен ден за да го исчистите вашиот дом од сè што не ви е потребно пред започнувањето на студената сезона. Тишината навистина ќе биде злато за вас.
На 23 септември романтичната Венера ќе го посети вашиот сектор на страста, љубовта и флертувањето. Есента ќе започне потопло од летото за вас. Ќе се чувствувате како да лебдите над светот, независно од вашиот љубовен статус.
Паровите кои планираат да основаат свое семејство ќе слушнат позитивни вести под „капата“ на Венера. Да, желбите понекогаш стануваат реалност.
Пари и работа
Септември е месец на идеите, интелектуалните предизвици и поврзувањето со истомисленици. Сонцето во првите три недели ќе го грее вашиот сектор на комуникацијата, подарувајќи ви одлични ораторски способности. Ќе работите најмудро, а не најнапорно и тоа ќе се покаже како полн погодок за вас.
Со нови иновативни идеи ќе ви се исполни главата на 3 септември, кога ќе настапи млада месечина во вашата 3-та куќа. Дали сте подготвени да ги импресионирате работодавачите? Предизвикајте се себеси во деновите околу овој датум. Некои ракови со помош на истомисленици ќе започнат да реализираат проект кој не можеле сами.
Можност за заминување во странство или за продолжување на образованието ќе ви се пружи на 18 септември, кога полната месечина ќе ја осветли вашата 9-та куќа. Некои ракови на овој ден ќе добијат дозвола за основање на сопствен бизнис или си остварат голема идеја. Исто така, во овој ваш сектор ќе се случи и делумно затемнување на месечината, коешто ќе ви донесе неочекувани и нагли промени.
На крајот на месецот, големи се шансите да ви биде вратен долг или да добиете вести за наследство.
Здравје
Летото ќе ви заврши активно и енергично, благодарение на присуството на Марс, планетата на енергијата, во вашиот знак. Кога станува збор за физичката активност, не си поставувајте граници. Тестирајте ја издржливоста на вашето тело и пријатно ќе се изненадите.
Среќниот Јупитер цел месец ќе го помине во вашиот сектор на потсвеста. Ќе бидете оптимистичка личност која е заштитнички настроена во однос на менталното здравје. Негувајте ја емотивната и психичката стабилност.
Во септември можно е предизвик да ви биде одржувањето на здравјето на очите.
2024 година
Љубов
Во 2024 година ќе тргнете на трансформативно патување под влијание на небесниот танц на планетите.
Венера, планетата на љубовта, убавината и хармонијата, ќе биде заслужна за исполнување на многу ваши желби. Таа по двапати (на почетокот и на крајот на годината) ќе ги посети јарец и водолија, вашите сектори на партнерствата и интимноста. Венера ќе ве направи посклони кон започнување на нова љубовна врска, приредувајќи ви средби кои разгоруваат фантазии и го растреперуваат срцето. Најголема е веројатноста да сретнете специјална личност пред стартот на студената сезона. Најладните месеци ќе бидат најромантични, најжешки и највозбудливи за вас.
Од 13 февруари до 23 март Венера ќе танцува низ вашиот сектор на интимноста и интензивните емоции, па ќе копнеете за неконвенционална романса. Ќе експериментирате со нови начини за поврзување со партнерот и ќе ја истакнете сензуалноста повеќе отсекогаш. Ако сте сингл, ќе привлечете некој кој ќе ве натера да ги ставит под знак прашалник вашите традиционални сфаќања за љубовта.
Сонцето од 19 април ќе започне едномесечно патување во вашиот сектор на кариерата, па веројатно ќе се соочите со потешкотии со балансирањето помеѓу работата и личниот живот. Сонцето ќе ве поттикне да пронајдете хармонија помеѓу вашите професионални амбиции и емотивните потреби.
Не планирајте ништо во љубовта во втората половина од годинава, затоа што најубавите случки ќе доаѓаат спонтано. Јупитер, планетата на среќата и оптимизмот, од 26 мај ќе патува во вашата 12-та куќа на фантазиите и сродните души. Оваа планета ќе ве натера да престанете да ги оценувате додворувачите според деталната слика која ја имате во вашата глава за тоа како треба да изгледа совршениот партнер. Јупитер ќе ви покаже дека вашиот идеален сопатник не е лице со кое сте слични, туку лице со кое сте доволно различни за да можете да се мотивирате еден со друг да станете најдобра верзија.
Некои ракови кои се во врска ќе најдат внатрешна сила да му простат на својот партнер за грешка која им ги нарушила односите, други одлучно ќе речат „крај“, додека трети ќе ги сместуваат своите фантазии во реалноста. Не грижете се, Јупитер е во вашата 12-та куќа за да ве подготви за крајот на едно поглавје, но и за почеток на ново, многукратно подобро.
Венера ќе патува низ вашиот знак од 17 јуни до 11 јули, носејќи ви љубовни мигови за паметење. Ќе доживеете многу жешки летни ноќи со личност која ќе ви се протне под кожа.
Младата месечина на 6 јули ќе настапи во вашиот знак и за некои ракови ќе означи почеток на возбудлива врска која ќе се развива со брзо темпо.
Од 20 јуни до 22 јули ставете се себеси на врвот од листата со приоритети додека Сонцето го осветлува вашиот знак.
Од 29 август до 23 септември, Венера, планетата на љубовта, ќе патува во вашиот сектор на домот и семејството. Раковите кои се во брак најмногу ќе го почувствуваат позитивното влијание на Венера и ќе негуваат врска на која сите ќе им завидуваат.
Младата месечина на 1 ноември ќе настапи во вашиот сектор на страста и флертувањето. Ќе освојувате срца со молскавична брзина и ќе оставате силен впечаток каде и да се појавите. Ова е ден кога сексуалната возбуда ќе достигнува кулминација.
Во последните три недели од 2024 година, односно по 7 декември, Венера ќе го акцентира вашиот сектор на интимноста, интензивирајќи ги вашите љубовни чувства. Ќе се чувствувате како да не можете да живеете без саканиот и неговите допири. Не сте во врска? Веројатноста да ја завршите 2024-та сами е минимална. Некој ќе успее набрзина да продре во вашето срце.
Пари и работа
2024 година ќе ви донесе огромна динамика на бизнис фронтот. Марс од 4 јануари до 13 февруари ќе остане во јарец, вашиот сектор на партнерствата. Некои ракови ќе се здружат со доверлив соработник за побрзо да си го наполнат паричникот. Марс е голем „мотиватор“, што значи дека ќе ги држите очите широко отворени и ќе ја зграпчувате секоја можност да се докажете.
Проверете ја својата банкарска сметка на 25 јануари. Под светлината на полната месечина во вашиот сектор на работата и парите, ќе финиширате проект кој ќе ви донесе голем прилив на пари.
Сатурн, планетата на структурата, ќе ја помине првата половина на 2024 година во директно движење во вашата 9-та куќа, учејќи ве дека треба да ризикувате за да бидете успешни, но Јупитер постојано ќе ве потсетува дека ризиците треба да бидат пресметани и поддржани со добар план. Можно е да ви се пружи можност да заминете на работа или студии во друга држава, а ако имате свој бизнис, да го проширите зад граница. Сатурн е за бавен, но сигурен напредок, па не очекувајте резултати преку ноќ. Успехот ќе доаѓа за вас во повеќе бранови, бидете трпеливи.
Работата и задоволството ќе се мешаат во периодот од 29 април до 23 мај, кога Венера ќе престојува во бик, вашата 11-та куќа на групните активности. Во ваш интерес ќе биде да се зближувате со колегите и бизнис соработниците надвор од работното место.
Од 17 јуни до 2 јули Меркур, планетата на комуникацијата, ќе патува низ вашиот знак, па ќе бидете безгрешни на преговарачка маса. Во секој момент ќе знаете што да кажете за да извлечете повеќе за себе. Ова е одличен период за потпишување долгорочни договори и спогодби за партнерство.
Доколку сакате да започнете нов проект, направете го тоа на 6 јули. Тогаш настапува млада месечина во рак, маркирајќи идеален ден за започнување на профитабилни проекти.
На 15 август Меркур, планетата на комуникацијата, ќе влезе со ретроградно движење во вашиот сектор на работата и парите. Во периодот до 28 август можно е да почувствувате дополнителна тензија на работното место поради недоразбирања со клиентите. Доколку работите со компјутер, во овој период задолжително копирајте ги важните податоци на две различни места.
Во периодот од 2 септември до 12 октомври Плутон ќе се движи ретроградно во јарец. Ќе сфатите дека за да можете вие да се истакнете, неопходно е да прекинете да заштитувате одредена личност и да си ја трошите целата енергија напразно.
Од 26 ноември до 15 декември Меркур ќе се движи ретроградно во вашиот сектор на организираноста. Можно е да се соочите со недоразбирања со колегите предизвикани од хаотичната комуникација на работното место.
Здравје
Не очекувајте големи промени во здравјето во 2024 година. Акцентот е ставен на менталното здравје и одржувањето на баланс и внатрешна хармонија. Фокусирајте се на длабоките емоции кои вообичаено ги игнорирате.
Од 20 мај до 20 јуни ќе ве мачи недостиг на енергија и често ќе заминувате порано во спалната соба. Одморот ќе ви помогне да ги наполните батериите пред да настапи вашиот период од годината. На 20 јуни Сонцето ќе го осветли вашиот знак, давајќи ви енергија како ретко кога дотогаш.
Во периодот по 9 октомври Јупитер ќе се движи ретроградно во вашиот сектор на одморот, што значи дека ќе ви биде потребен дополнителен сон. На крајот на 2024 година, мозокот ќе ви работи прекувремено и препорачливо е почесто да му обезбедувате паузи преку спиење.
Комуникативниот Меркур од 26 ноември до 15 декември ќе се движи ретроградно во вашиот сектор на здравјето, зголемувајќи го ризикот од респираторни проблеми. Избегнувајте гужви и лица кои имаат симптоми на настинка или грип.
Општи карактеристики за рак
Ракот е управуван од постојано променливата Месечина, која што поминува низ многу циклуси и со тоа го прави расположението на ракот многу променливо. Исто како ракот и родените во овој знак најголемиот дел од својот живот го поминуваат скриени под една черупка, која не може лесно да биде скршена.
Ако вашиот знак е рак, тогаш вие сте изолирани од опасностите, но тоа многу често ве прави луѓе без чувство за хумор. Како воден знак вие сте многу чувствителни. Во секоја ситуација внесувате многу емоции, но во текот на вашиот живот сфаќате дека многу лесно можете да бидете повредени и поради тоа често се криете зад маската на бесчувствителноста.
Традиционалисти сте и покажувате огромен интерес кон вашите корени и вашите предци. Вие сте многу поголеми националисти од другите знаци во хороскопот, поради тоа што го сакате вашето родно место и сте силно приврзани за него. Најважната ваша цел е да создадете ваше семејство и обожавате да бидете во домашна атмосфера.
Ракот е спротивен знак на Јарец. Јарците ги интересира каква е нивната положба во општеството и како другите гледаат на нив, додека ракот е загрижен само за неговото семејство. Како рак, вие знаете да штипнете кога ќе почувствувате дека вашето семејство е понижувано или е во опасност. Раковите се блиски со своите мајки, па кога ќе сте во лошо расположение јавете ѝ се на вашата мајка. Тоа ќе ве направи среќни.
Вие можеби сте неофицијална мајка на сите кои ги сакате, поради вашата грижа за нив. Чувствителни сте и лојални и вашите пријатели секогаш имаат рамо за плачење. Лесно ранливи сте и кога не сте расположени сакате да бидете оставени сами, опкружени со удобност: удобен џемпер, омилена книга, доверливи пријатели и склад со вашите омилени работи. Тоа го подобрува вашето расположение.
Во љубовната врска сте многу нежни, верни и романтични. Поради влијанието на Месечината вие сте многу интуитивни. Обрнете им повеќе внимание на вашите соништа особено во деновите кога има полна Месечина.
Симбол:
Рак
Симболизира:
Мајчинство и мајчинска љубов, семејство, дом, жена, чувства, родина, реки.
Елемент:
Вода
Планета:
Месечина - божествено тело на расположението и емоциите. Месечината симболизира женственост, семејство, мајка, емоции и потекло.
Ден од седмицата:
Понеделник
Боја:
Бела, сива и виолетова.
Број:
2
Скапоцени камења:
Сребро и перли.
Најдобри професии:
Пејачи, артисти, поети, готвачи, географи, картографи, акушерки, педијатри, социолози.
За да се спријателите со нив:
Секогаш однесувајте се кон нив со почит. Направете да стекнат доверба и сигурност во вас. Пробајте да им го разберете начинот на мислење.
Дел од телото:
Гради, стомак.
Добри карактеристики:
Мајчински загрижени, трпеливи, готови да помогнат, гостопримливи, штедливи, чувствителни, патриоти, весели и неверојатно забавни, грижливи, романтични, креативни.
Лоши карактеристики:
Озборувачи, изолирани, некомуникативни, хиперсензитивни, премногу компетитивни, премногу емоционални, мрзливи, слаби, љубоморни.
Карактеристики по кои ќе ги познаете:
Чекорејќи со градите напред; тркалезно како месечината лице.
Омилени работи:
Гурманска храна, работа со деца, музеи и ликовни галерии.
Работи кои ги мразат:
Стари алишта, замрзнати јадења, јавно говорење, да бидат избрзувани.
Можете да ги најдете:
Купувајќи стари и ретки антиквитети; создавајќи ремек дело; во кујната; слушајќи бендови во живо.
Скриена желба:
Да се грижат за своето семејство и пријателите!