Овен (21. III – 19. IV)

Недела, 09 Март 2025

Денес насочете се кон активности кои ве усреќуваат и ве полнат со енергија. Наместо вообичаените неделни обврски, направете нешто коешто ќе ве одведе надвор од комфорната зона и ќе ве натера да експериментирате. Нема ништо себично во тоа да бидете среќни.

Слатко изненадување ќе ви го забрза пулсот и ќе ве исполни со возбуда. Уживајте во тој момент колку што е можно подолго.

Март, 2025

Љубов

Во март ќе почувствувате силна потреба за значаен нов почеток, но ќе мора да балансирате меѓу импулсивноста и трпеливото градење на иднината што ја посакувате.

Ова е клучен месец за љубовниот живот на овните. Венера ќе биде ретроградна во вашиот знак од 2 до 27 март, што ќе ве натера да ги преиспитате вашите врски. Започнува период за длабока рефлексија – можеби ќе откриете стари шаблони на однесување што треба да се променат за да се постигне поголема хармонија во љубовта.

На 14 март, полната месечина во девица, која е истовремено и тотална лунарна еклипса, ќе осветли важни прашања во вашата шеста куќа на рутините и здравите навики. Ова може да ви помогне да ослободите емоционален товар што влијае на вашите љубовни односи и вашиот приод кон додворувачите. Ако не сте задоволни од врската, ова веројатно ќе биде моментот за финална одлука.

Меркур на 3 март влегува во вашиот знак, носејќи динамична комуникација, но ќе стане ретрограден на 15 март, што значи дека може да се појават недоразбирања со партнерот. Важно е да бидете трпеливи и да избегнувате импулсивни реакции.

На 20 март Сонцето влегува во вашиот знак, носејќи ви обновена самодоверба и супер позитивна енергија. Ќе чувствувате дека е време да преземете иницијатива во љубовта и да ѝ се препуштите на страста. Бидејќи ќе бидете обвиени во неодолива аура, ќе знаете дека можете да го освоите скоро секого, па ќе паднете и во искушение да играте топло-ладно со нечии чувства. Крајот на месецот повикува на незаборавни љубовни авантури.

На 27 март ретроградната Венера се враќа во риби, што ќе ви помогне да ги анализирате емоциите на подлабоко ниво. Ова е идеално време да простите, да затворите стари поглавја и да се подготвите за нови почетоци.

На 29 март младата месечина во вашиот знак, која ќе биде придружена со делумна соларна еклипса, носи судбински промени во љубовта. Ова е ден на важни одлуки, особено за оние кои се на крстопат во врската.

Со Нептун кој влегува во Овен на 30 март, започнува 14-годишен циклус на духовна и емоционална еволуција. Ова може да ве натера да ги преиспитате вашите идеали за љубовта и да барате подлабока смисла во вашите врски.

Пари и работа

Март ќе биде динамичен месец за вашата кариера, но ќе бара голема внимателност. Венера ќе биде ретроградна, што значи дека ќе треба да бидете претпазливи со трошоците и инвестициите.

Меркур влегува во вашиот знак на 3 март, што ќе ви донесе многу нови идеи и можности за преговарање, но бидејќи оваа планета на комуникацијата станува ретроградна на 15 март, внимавајте на пробивање на рокови и грешки во документи. Втората половина на март не е поволен период за потпишување важни договори.

На 14 март полната месечина во девица ќе донесе важни промени во вашата 6-та куќа на организираноста. Можно е да завршите проект што сте го започнале одамна или да добиете нова деловна можност која ќе ви овозможи брза, а солидна заработка.

Сонцето влегува во вашиот знак на 20 март, што ќе ви даде самодоверба и ќе ве истакне на професионален план. Искористете ја оваа енергија за да го покажете вашиот потенцијал и да побарате унапредување.

На 29 март младата месечина и соларната еклипса во вашиот знак ќе означат нов почеток во кариерата. Ова може да биде време за промена на работното место, започнување нов проект или добивање бизнис шанса која долго сте ја чекале.

На 30 март, кога Меркур со ретроградно движење ќе влезе во риби, можеби ќе треба да се навратите на стари проекти или да решите недоразбирања со колегите. Не носете избрзани одлуки, туку анализирајте ги сите опции пред да дејствувате.

Со Нептун кој влегува во вашиот знак на 30 март, започнува циклус во кој вашата интуиција ќе игра клучна улога во финансиските и професионалните одлуки.

Здравје

Во март ќе треба повеќе да внимавате на здравјето. Венера, која ќе биде ретроградна во вашиот знак од 2 до 27 март, ќе ве поттикне да размислите за самодовербата и грижата за себе. Можеби ќе се почувствувате помалку мотивирани, но ова е одличен период за да поработите на себе и за ослободување од токсични навики.

Полната месечина во девица на 14 март, која е и тотална лунарна еклипса, осветлува важни прашања поврзани со вашите дневни навики и рутините​. Ова може да биде момент кога ќе сфатите дека е време за промена во исхраната, физичката активност или менталната рамнотежа.

Меркур, кој влегува во вашиот знак на 3 март, ќе ви даде силна ментална енергија, но откако на 15 март ќе стане ретрограден, веројатно ќе почувствувате замор или зголемен стрес. Обидете се да се фокусирате на техники за релаксација.

Сонцето во вашиот знак од 20 март ќе ви даде дополнителен енергетски стимул. Ќе се почувствувате силни и ќе сакате да започнете нова физичка активност.

Со влегувањето на Нептун во вашиот знак на 30 март, ќе се зголеми вашата сензитивност и ќе ви дојде до израз интуицијата. Ова е одлично време за медитација, јога и фокусирање на емоционалното здравје.

2025 година

Љубов

2025 година ќе биде година на трансформации, храбри одлуки и длабоки врски. Ѕвездите ве поттикнуваат да бидете искрени со себе и со партнерот, носејќи нова искра во постоечките односи и отворајќи врати за нови љубови. Ретроградните движење ќе ве натераат да се соочите со стари љубовни приказни и да го расчистите минатото, додека еклипсите ќе ве водат кон нови почетоци полни со страст и авантура. Со Венера и Сатурн, кои играат значајна улога оваа година, љубовниот живот ќе бара комбинација од посветеност и слобода, создавајќи цврста основа за врски кои се стабилни, но и возбудливи.

Почетокот на годината за овните ќе носи интензивна внатрешна рефлексија и ќе ги извади емотивните теми на површина. Поради ретроградниот Марс во рак, сè до 24 февруари ќе се чувствувате како да балансирате на тенка линија меѓу вашите лични потреби и очекувањата на најблиските. Ова движење на вашата планета-владетел ќе се фокусира на вашата 4-та куќа на домот и семејството, па оние што се во врска ќе мора да се соочат со стари прашања за живеалиштето, плановите за заедничка иднина или недоразбирања кои веќе подолго време тлеат. Овните кои се сингл ќе почувствуваат носталгија за минатото и личностите кои некогаш им значеле многу, но истовремено ќе сфатат дека треба да се ослободат од некои спомени за да направат простор за нови врски.

Кога Венера на 4 февруари ќе влезе во вашиот знак, сè ќе се промени. Ќе почувствувате како самодовербата ви се враќа со полна сила, а шармот ќе ви биде на максимум. Каде и да се појавите, ќе оставате силен впечаток, а можностите за нови познанства и љубовни искуства ќе се појавуваат од сите страни. Ова е идеален период да ризикувате, да ги изразите вашите чувства и да се препуштите на врски исполнети со возбуда. Доколку сте во врска, вашата страст ќе се разбуди со полна сила, а партнерот ќе го доживее тој ентузијазам како посакувана ренесанса во односите.

Со Нептун во Овен на 30 март, ќе бидете романтични како никогаш досега, но внимавајте да не дозволите идеализам да ве одведе на погрешен пат. Оваа енергија ќе ве поттикне да ја пронајдете љубовта што ја посакувате, но ќе треба да останете реални и свесни за вашите граници.

Со полната месечина на 12 април во вага, вашата 7-ма куќа на партнерствата, љубовните односи ќе достигнат критична точка. Ќе се најдете во ситуација да преиспитувате каде стоите во врската и дали вашите потреби се исполнети. Потребата за компромис ќе биде клучна, но нема да дозволите да се жртвувате повеќе отколку што е потребно. Ова е вистински момент за сериозни разговори со партнерот, но и за јасно дефинирање на границите. Овните со статус сингл може да привлечат личност која ќе ги предизвика да размислат за долгорочна врска, нешто што можеби не го планирале, а ќе биде вистинско изненадување.

На 29 март ќе настапи млада месечина во вашиот знак, а ќе има и делумно затемнување на Сонцето, што значи да очекувате пресврт во љубовниот живот. Ова ќе биде момент кога ќе ја имате целата моќ во ваши раце. Ќе се ослободите од старите несигурности и ќе ги „држите конците“ кога станува збор за љубовта. Ако сте во врска, или ќе ги преземете неопходните чекори за да ја претворите врската во нераскинлив сојуз или ќе ставите крај да започнете ново поглавје. Ако сте сингл, нема да се плашите од иницијативи – една случајна средба или познанство може да се претвори во филмска љубов што ќе ви го промени животот.

За време на полната месечина на 12 мај, емоциите ќе ви бидат супер интензивни, а потребата да ги продлабочите врските ќе биде огромна. Ќе чувствувате дека не можете да продолжите ако не ги расчистите сите скриени прашања што ви тежат на срцето. Можно е да откриете нешто ново за партнерот. За некои овни, ова ќе биде период кога ќе мора да одлучат дали врската вреди да се спаси или е подобро да се ослободат од неа.

Со Венера во рак од 31 јули, ќе почувствувате поголема поврзаност со партнерот и ќе бидете повеќе фокусирани на заедничкиот живот и домот. Оваа енергија во вашата 4-та куќа ќе ве поттикне да внесете хармонија во љубовниот живот преку мали гестови кои покажуваат грижа и внимание. Овните со статус сингл ќе сретнат личност која ќе ги фасцинира со емпатијата, топлината и посветеноста на фамилијата. Во периодот до од 31 јули до 25 август многу овни ќе стапат во брак, ќе прослават за свршувачка или ќе се израдуваат на вест за бременост.

Меркур ќе се движи ретроградно во лав од 18 јули до 11 август и може да предизвика љубовни недоразбирања и конфликти. Ќе ви биде потребно многу трпение за да не дозволите да настане траен белег во односите со саканиот. Внимавајте на своите зборови и избегнувајте импулсивни реакции кои можат да направат повеќе штета отколку корист. Овој период е идеален да ги преиспитате вашите приоритети и да се фокусирате на тоа како сакате да изгледа вашиот љубовен живот.

На 7 септември полната месечина во риби доаѓа заедно со целосно затемнување на Месечината, помагајќи ви да се ослободите од минатото и да ги исцелите старите емоционални рани. Оваа енергија ќе биде моќна и трансформативна, особено за оние кои носат товар од претходни врски. Еклипсата ќе ви помогне да прифатите дека некои љубовни приказни треба да останат зад вас за да продолжите кон поубава иднина.

Крајот на годината ќе донесе нова возбуда со Венера во стрелец од 30 ноември. Ќе ја активирате вашата 9-та куќа на авантурите и патувањата, внесувајќи динамика и нови искуства во љубовниот живот. Многу овни ќе ја „освежат“ љубовната искра преку патувања или заеднички проекти. Сингл сте? Крајот на 2025 година ќе ви донесе во животот некој кој ќе ви покаже дека адреналинот делува како афродизијак и со кој секоја помината минута е возбудлива.

Пари и кариера

2025 година ќе биде период на значајни промени и можности за овните во професионалниот свет.

Почетокот на годината веројатно ќе биде монотон поради ретроградниот Марс во рак. До 24 февруари можно е да се соочите со предизвици при донесувањето одлуки за нови проекти, па ќе биде потребно да ги преиспитате вашите стратегии и да избегнувате импулсивни потези.

Откако Јупитер ќе премине во директно движење во близнаци на 4 февруари, вашата 3-та куќа на комуникацијата ќе блесне во полн сјај. Ова ќе ви донесе можности за нови соработки, преговори и договори што ќе го подобрат вашиот професионален статус. Ќе имате шанса да се истакнете во пишување, говорење или работа со медиуми, па искористете го вашиот интелектуален потенцијал за брз напредок.

Делумното затемнување на Сонцето на 29 март ќе резултира со пресвртница во вашиот професионален живот, поттикнувајќи ве да преземете одговорност и иницијатива за сопствената кариера. Можно е да добиете понуда за лидерска позиција или да започнете проект кој ќе има долгорочен успех.

Марс во лав од 18 април до 17 јуни ќе ја раздвижи вашата петта куќа на креативноста и ризикот. Ова планетарно движење ќе ве поттикне да покажете смелост во бизнис преговорите, да промовирате нови проекти и да се издвоите од конкуренцијата.

Со Сатурн во вашиот знак од 24 мај, ќе се соочите со потребата за посериозен пристап кон вашите цели. Ќе чувствувате притисок да вложите повеќе труд и да бидете подисциплинирани, но наградите што ќе дојдат ќе покажат дека навистина вредело сето тоа. Ќе ги удрите темелите на цврста основа за иднината, и кога станува збор за професионални успеси и кога се работи за финансиска стабилност.

Од 9 јуни Јупитер, планетата на среќата и богатството, ќе „танцува“ во вашата 4-та куќа на домот и стабилноста. Ова може да донесе можности за заработка преку недвижности или семеен бизнис. Ќе почувствувате поголема сигурност во финансискиот аспект, особено ако внимателно ги планирате инвестициите и буџетот.

Со Марс во девица од 17 јуни, вашата продуктивност ќе биде на највисоко ниво. Оваа поставеност во вашата 6-та куќа на рутините ќе ве поттикне да бидете ефикасни и да си ги подобрите работните навики. Средината на годината е идеална за завршување на големи проекти или за започнување на нови кои бараат внимание на деталите.

Полната месечина во јарец на 10 јули ќе ги истакне резултатите од вашите напори во првата половина на 2025 година. Вашата 10-та куќа на кариерата ќе блесне, па очекувајте признанија или унапредување. Гордејте се со постигнатото!

Венера од 30 ноември ќе престојува во стрелец, вашата 9-та куќа на визиите и образованието. Ова може да ве инспирира да се посветите на нови обуки или патувања поврзани со вашата кариера. Ќе ја завршите годината со чувство на исполнетост и обновена мотивација за идни деловни подвизи.

Здравје

Почетокот на годината може да биде напорен поради ретроградното движење на вашата планета-владетел Марс во рак до 24 февруари, кое ќе влијае на вашата енергија и ќе го нагласи стресот поврзан со семејството. Ова ќе биде време кога ќе треба да се грижите за дигестивниот систем и да избегнувате обилни оброци.

Со Нептун во овен од 30 март ќе мора да научите да ги разликувате реалните здравствени предизвици од претераната загриженост.

Марс ќе престојува во лав од 18 април до 17 јуни и ќе ви донесе нова енергија во телото и расположението. Петтата куќа симболизира радост и креативност, па во овој период, физичките активности како танц, спорт или рекреативни игри ќе ви помогнат да ја зголемите виталноста и да го разведрите расположението.

Откако Сатурн ќе влезе во овен на 25 мај, ќе ви се засили дисциплинираноста, без разлика дали тоа значи редовно вежбање, подобра исхрана или воведување на навики кои ја намалуваат анксиозноста.

Јупитер ќе престојува во близнаци до 9 јуни и ќе ве поттикне да се движите повеќе и да истражувате нови активности. Ќе чувствувате силна желба за акција, па ова е време да започнете со некој спорт или активности на отворено кои ќе ви помогнат да си го избистрите умот.

Со Венера во рак од 31 јули, ќе почувствувате потреба за емоционална стабилност и релаксација. Посветено ќе се грижите за вашиот ментален мир. Насочете се кон медитација, јога или техники за намалување на стресот.

Полната месечина во риби на 7 септември доаѓа со целосно затемнување на Месечината. Оваа еклипса ќе ве поттикне да обрнете внимание на сонот и менталното здравје. Ќе се потсетите дека квалитетниот одмор е неопходен за продуктивност и благосостојба.

Кон крајот на годината, со Меркур ретрограден од 9 ноември, ќе биде важно да не ги занемарувате превентивните прегледи. Овој период ќе ве потсети дека здравјето бара постојана грижа и внимание.

2025 година ќе биде година на освестување и подобрување на сите аспекти од вашето здравје, подготвувајќи ве за поенергична и хармонична иднина.