Водолија (20. I – 18. II)

Петок, 15 Ноември 2024

Денес потребно е да се насочите кон решавање на сите недоразбирања под вашиот покрив. Полната месечина ќе настапи во вашата 4-та куќа, насочувајќи го вашето внимание кон домот и семејството. Не само што ќе сакате мир во него, туку и сами ќе го создадете.

Нема да ви пречи да се извините ако во изминатиот период сте повредиле личност која многу ви значела. Ќе добиете прошка.

Ноември, 2024

Љубов

Ноември ќе помине во знакот на вашата амбициозност на професионален план, но тоа апсолутно не значи дека љубовниот живот ќе ви потоне во монотонија.

Сексапилниот Марс на 4 ноември ќе влезе во вашиот сектор на сериозните партнерства и обврзувањето. За едни водолии огнената планета ќе донесе зголемување на либидото и жешки ноќи поминати под чаршафите, но за други ќе донесе изливи на љубомора. Разговарајте отворено за вашите чувства. Водолиите со статус сингл треба да ги зачестат вечерните излегувања, бидејќи Марс ќе ги изненади со флерт игри на кои нема да останат рамнодушни.

На 11 ноември Венера, планетата на љубовта и хармонијата, ќе влезе во вашиот сектор на фантазиите и завршетоците. За многу припадници на овој знак тоа ќе значи крај на врска која стоела на стаклени нозе. На некои среќници, Венера ќе им организира средба со сродна душа.

Полната месечина ќе настапи на 15 ноември во бик, вашиот сектор на семејството, носејќи хармонија под вашиот покрив. Тоа може да значи преселување во нов дом или град, или пак, влегување во брачните води.

На 19 ноември Плутон ќе започне 20-годишно патување низ вашиот знак. Време е за голема трансформација. Ќе го промените начинот на којшто гледате на љубовните односи и на којшто ги дефинирате критериумите за љубовен партнер.

Откако на 21 ноември Сонцето ќе го осветли вашиот сектор на групните активности, ќе обожавате да сте друштвено активни. Ќе иницирате многу излегувања и ќе го проширите кругот на познаници. Додека се забавувате, голема е веројатноста да сретнете некој што ќе ви го разигра срцето.

Пари и работа

Смело тргнете во поход! Небесните тела ви предвидуваат големи успеси.

Во првите три недели од месецов, Сонцето ќе го осветлува вашиот сектор на кариерата и амбициите, давајќи ви мотивација да барате повеќе и повеќе. Не се задоволувајте со трошки, имате моќ да присвоите многу, многу.

Меркур, планетата на комуникацијата, на 2 ноември ќе започне да патува низ вашиот сектор на групните активности. Ќе имате можност да се истакнете за време на презентации, јавни говори и преговори.

Планетите ве советуваат да внимавате на деталите во вашата работа во првите три дена од ноември. Енергичниот Марс тогаш ќе патува во вашата 6-та куќа на организираноста и аналитичниот ум, што значи дека фокусираноста може да ви заштеди многу главоболки поврзани со работата. Планирајте колку што е можно повеќе.

На 4 ноември Марс преминува во вашиот сектор на сериозните партнерства и обврзувањето. Можно е да потпишете договор за соработка со истомисленик со кој ќе победите во многу претстојни битки.

На 15 ноември Сатурн ќе го прекине ретроградното движење во вашиот сектор на парите. На вашата сметка ќе пристигне сума која подолго време сте ја очекувале.

Веројатно најдобрата вест за вас овој месец е промената во движењето на Плутон. На 19 ноември Плутон ќе премине во вашиот знак и со тоа ќе ги отстрани сите пречки кои не ви дозволуваа да го заземете местото што ви припаѓа. Ќе почувствувате финансиска стабилност каква што отсекогаш сте посакувале, иако ќе се појавуваат непредвидени трошоци.

Во последните десет дена од месецов, преферирајте ги групните проекти. Најголеми успеси ќе постигнувате кога ги здружувате силите со колеги или нови соработници.

Здравје

Фокусирајте на менталното здравје! Во ноември планетите за вас ја акцентираат важноста на психичката и емотивната стабилност, па пронајдете техники и методи кои ви помагаат да се релаксирате и да негувате умствен спокој.

Марс ќе ве мотивира да вежбате со партнер, некој што ќе ве бодри и мотивира, за да останете на патот кон остварување на зацртаните фитнес цели.

Слаба точка во ноември ќе ви бидат вратот и рамената.

2024 година

Љубов

Сакате уште веднаш одлична вест? Венера, планетата на љубовта и убавината, во 2024 година двапати ќе го посети вашиот знак, давајќи ви неспорен шарм да го покорите светот. Најстудените месеци ќе бидат најжешки за вас, бидејќи Венера ќе ве посети еднаш од 16 февруари до 11 март, а потоа и од 7 декември до 3 јануари 2025 година.

Вие сте познати по беспрекорниот стил и како модни икони во зодијакот, но сега ќе блескате со посебна убавина. Секој ден ќе изгледате како тукушто да сте заминале од фотосесија, а можно е и да експериментирате со посекси стајлинзи од вообичаено. Многумина ќе ви се одушевуваат, а вие ќе се забавувате додека ги гледате како ве анализираат од глава до пети.

Од 13 февруари до 23 март Марс ќе престојува во вашиот знак, потенцирајќи го вашиот сексапил. Ќе имате зголемено либидо и ќе уживате во моментите поминати со саканиот зад затворени врати. Многу водолии ќе ја искористат својата привлечност за да пронајдат стабилна личност со која ќе уживаат во текот на зимските месеци.

На 24 февруари полната месечина е во девица, вашиот сектор на интимноста и интензивните емоции. Околу овој датум очекувајте жешки ноќи кои ќе ви го растреперуваат телото секогаш кога ќе помислите на нив.

Оптимистот Јупитер до 26 мај ќе престојува во вашата 4-та куќа на домот, семејството и жените. Некои парови ќе одлучат да купат заеднички дом, други ќе ги интензивираат разговорите за проширување на семејството, додека трети ќе станат родители. Доколку не сте во врска, сентименталноста и нежноста ќе ве направат неодоливи. Не се изненадувајте ако често ве прашуваат како успевате да сте толку толерантни и полни со сочувство.

Од 26 мај до 9 октомври Јупитер ќе се движи директно во вашата страсна 5-та куќа. Независно од вашиот љубовен статус, ќе доживеете многу љубовни изненадувања. Јупитер е планетата на среќата, па на моменти нема да ви се верува дека сето тоа ви се случува токму вам.

Од 30 април до 9 јуни Марс ќе патува низ вашиот сектор на комуникацијата. Никој нема да може да ги победи вашите аргументи и многумина ќе ви се восхитуваат токму поради логичниот и аналитичкиот начин на размислување. Без проблем ќе создавате предност пред конкурентните, а ќе знаете и како најлесно да им се протнувате под кожа на клиентите.

Венера, планетата на љубовта, од 23 мај до 17 јуни ќе престојува во близнаци, вашиот сектор на страста и флертувањето. Ќе освојувате припадници на спротивниот пол дури и кога нема да имате намера да го правите тоа. Многу водолии ќе започнат врска со личност која ќе ги надополнува нивните слаби страни.

Во текот на 2024 година ќе чувствувате потреба да слушате љубовни зборови од саканиот дека засекогаш ќе бидете заедно. Строгиот Сатурн ќе ја помине цела година во вашата 2-ра куќа на стабилноста и секојдневните навики, учејќи ве дека пред да се обидувате да промените нечиј карактер, треба да го промените својот.

Имајте предвид дека Јупитер се движи ретроградно од 9 октомври до крајот на годината. Во овој период можно е во вашиот живот да се врати ваш поранешен партнер или конечно да ги увидите позитивните карактеристики на обожавател кој упорно сте го оттурнувале од себе.

На 15 декември полната месечина е во вашата петта страсна куќа, што значи дека ве очекува жешка ноќ која долго време ќе тлее во вашите сеќавања. Водолиите кои не се во врска ќе се зближат со личност со која подолго време флертувале без да направат посериозен чекор.

Пари и работа

Насмевка, ве молам! 2024 година ќе ја започнете со бум. Ќе нижите само успеси по 20 јануари, кога Сонцето, Меркур, Марс и Венера ќе се сретнат во вашиот знак. Ќе бидете незапирливи на работното место. Освен што ќе давате нестандардни идеи за кои сите ќе ви се одушевуваат, ќе можете и да водите успешни преговори за кои ќе добивате многу пофалби, а финансиските награди нема да изостанат.

Сериозниот Сатурн ќе ја помине цела година во риби, вашата 2-ра куќа на богатството и парите, правејќи ве повнимателни со вашите финансии. Сатурн е за бавен, но стабилен напредок, па ако сакате да успеете, избегнувајте ги ризичните потези и научете да планирате. Барањето на кратенки кон успехот нема да се покаже како успешно. Создајте добар план за исполнување на вашите големи соништа.

Јупитер, планетата на среќата, ќе ги помине првите 5 месеци од годината во вашата семејна 4-та куќа. Од присуството на Јупитер најголема корист ќе имаат вработените во области како угостителство, дизајн и работа со деца.

Од 2 до 24 април, Меркур ќе се движи ретроградно во вашиот сектор на комуникацијата. Тоа може да создаде тензија на работното место и да ви донесе многу недоразбирања и жестоки дискусии со колегите. Внимавајте во овој период да не влегувате во конфликти со авторитетни фигури.

Плутон, планетата на трансформацијата, до октомври ќе патува низ вашиот знак, па ќе го промените начинот на којшто комуницирате со клиентите и соработниците. Новите промени ќе се рефлектираат позитивно на вашата заработка.

Внимавајте на финансиите во периодот од 26 јуни до 15 ноември, кога Сатурн ќе се движи ретроградно. Сатурн ќе ве научи повеќе да штедите. Иако ќе морате да си скратите одредени задоволства, ќе бидете среќни што имате заштеда која носи одредена финансиска сигурност.

Од 22 септември до 23 октомври Сонцето ќе го осветлува вашиот сектор на претприемништвото. Некои водолии ќе одлучат да започнат свој бизнис, додека други ќе заминат на бизнис патување. Сонцето ќе ве поттикне да размислите за продолжување на образованието или пак за започнување на проект со соработник од странство.

Мистичниот Нептун ќе се движи низ вашата втора куќа на парите и работата, што значи дека не треба безгрижно и безрезервно да им веруваат на колегите и соработниците. Нема сите да бидат така добронамерни како што очекувате.

Здравје

Во 2024 година ќе бидете супер дисциплинирани кога е во прашање здравјето. Сериозниот Сатурн и мистичниот Нептун ќе патуваат низ вашиот сектор на секојдневните навики, поттикнувајќи ве да создадете рутини кои ќе ве држат во најдобра форма.

На 6 јули настапува млада месечина во јарец, вашата 6-та куќа на здравјето и фитнесот. Ова одличен ден за да си поставите високи цели или да си купите нова спортска опрема која ќе ве мотивира почесто да вежбате.

Штедете си ја енергијата во текот на последните две седмици на годината, кога Сонцето ќе го осветли вашиот сектор на одморот и завршетоците.

Бидете повнимателни кога практикувате поекстремни физички активности. Заштитете ги вашите екстремитети.