Вага (23. IX – 22. X)

Недела, 09 Март 2025

Ова е ваш ден за да блеснете. Каде и да се појавите, сите очи ќе бидат вперени кон вас. Можно е да забележите дека луѓето ве следат, дека ве копираат и дека сакаат да бидат како вас. Сфатете го тоа како знак дека вредите.

Вечерва излезете на свеж воздух. Прошетките надвор позитивно ќе делуваат на вашето расположение.

Март, 2025

Љубов

Март ќе биде месецот кога срцето ќе ви зборува посилно од разумот, кога љубовта ќе ве води низ неочекувани патеки, а страста ќе ви ги разубави деновите со емоции што одамна не сте ги почувствувале.

Венера, вашата космичка владетелка, на 2 март започнува ретроградно движење во овен, осветлувајќи ја вашата 7-ма куќа на партнерствата и љубовните сојузи. Ова не е обичен транзит – ова е повик да го откриете вистинското значење на љубовта. Ќе се соочите со прашања што горат како нежен, но упорен пламен: Дали љубовта што ја имате е онаа што ја заслужувате? Дали се борите за нешто што вреди, или е време да ја ослободите својата душа од она што ве кочи?

Ако сте во врска, ова ќе биде период на тестирање на вашата поврзаност. Венера ќе ве натера да го погледнете партнерот и себеси во ново светло – без маски, без идеализирања. Дали сè уште постои искрата што некогаш ве опиваше како добро вино? Ако постои, ова ќе биде време кога ќе ја разгорите страста, кога ќе најдете нови начини да го привлечете партнерот, кога секој допир ќе има подлабоко значење. Но, ако почувствувате студенина, ако разговорите станат празни, ќе сфатите дека можеби е време да го пуштите тоа што некогаш било, но повеќе не постои.

Ако сте сингл, март ќе биде месец на судбоносни средби. Венера ретроградна ќе ви донесе љубов што неочекувано ќе влезе во вашиот живот – можеби стара љубов ќе се појави, носејќи со себе ехо од емоции што сè уште ви треперат во градите. Некој што некогаш сте го сакале, но околностите ве разделиле, сега може повторно да стои пред вас со очи полни со прашања и надеж. Дали ќе ја зграбите оваа втора шанса?

На 3 март, кога Меркур влегува во овен, комуникацијата ќе стане огнена, а флертот неизбежен. Ќе бидете магнет за внимание, вашите зборови ќе имаат моќ да заведуваат, вашите погледи ќе откриваат многу повеќе отколку што сте подготвени да признаете. Ако сте заинтересирани за некого, ова е време кога ќе се игра љубовна игра во која секоја порака, секој случаен допир ќе носи таен предизвик. Но, внимавајте! Од 15 март, кога Меркур ќе стане ретрограден, зборовите можат да ви се вратат како одек – некои разговори ќе се испреплетат, одредени пораки ќе се испратат на погрешна личност, а емоциите ќе станат збунувачки.

На 14 март, полната месечина во девица, придружена со тотална лунарна еклипса, ќе ви донесе љубовно будење. Ова е месечина што ја осветлува вистината, што ги руши илузиите. Ќе сфатите што навистина сакате. Љубовта нема да биде повеќе само приказна во вашите мисли – ќе почувствувате силна потреба да ја живеете, да ја допрете, да ја зграбите со двете раце и да не ја пуштате.

На 20 март, Сонцето влегува во овен, носејќи интензитет, храброст и страст. Љубовта нема да биде тивка, нема да биде срамежлива. Ќе бара внимание, ќе ви покаже дека некогаш вреди да се преземе ризик, да се фрлите во огнот без да размислувате премногу. Вашата енергија ќе биде заразна, а привлечноста неодолива – ако сакате нешто, ќе знаете како да го добиете.

На 27 март Венера ретроградно влегува во риби, внесувајќи нежност и мистичност во вашата 6-та куќа на секојдневните навики. Љубовта ќе стане суптилна, ќе се провлекува низ малите моменти – начинот на кој некој ве гледа додека зборувате, топлината на раката што случајно ја допира вашата, насмевката што трае секунда подолго отколку што треба. Ова е љубов што не вика, но што се чувствува во секоја пора на кожата.

На 29 март младата месечина и соларната еклипса во овен ќе донесат пресврт. Ова е момент кога ќе мора да одлучите – дали ќе ја следите љубовта без двоумење или ќе останете во зоната на удобноста? Судбината ќе ви даде знак – некој ќе ви признае нешто, неочекувана порака ќе ви го разниша светот, ќе се најдете во ситуација каде што срцето ви вели „одиме!“ додека умот се обидува да го забави чекорот.

На 30 март Нептун влегува во овен, отворајќи врата кон љубовни соништа што можат да станат реалност. Ова е љубов што не е само привлечност, туку нешто што ја допира вашата душа. Ќе копнеете за врска што ќе биде како магија – исполнета со интуиција, разбирање и сензуални моменти што нема да бараат зборови.

Пари и работа

Март ќе биде месец на анализирање, преиспитување и подготовка за иднината. Иако ретроградните движења ќе ве натераат да забавите и да размислите, еклипсите ќе донесат пресврти што ќе ве насочат кон нови можности. Доколку внимателно ги слушате сигналите што ви ги праќа универзумот, ќе можете да го поставите темелот за финансиска и професионална стабилност.

Венера ќе биде ретроградна во овен од 2 до 27 март, што значи период на застој или ревизија на вашиот професионален раст. Ова ќе биде време кога ќе треба внимателно да ги преиспитате вашите инвестиции, договори и работни односи. Дали сте задоволни со финансиските приливи? Дали е време да побарате поголема награда за вашиот труд? Овој период нема да биде поволен за носење брзи одлуки, но ќе биде одличен за анализа на минатите финансиски грешки и создавање план за подобра иднина​.

На 3 март Меркур влегува во овен, носејќи можност за брзи преговори, нови деловни контакти и идеи што можат да ви помогнат во финансискиот раст. Ќе бидете поенергични и поспремни да ризикувате. Но, од 15 март, кога Меркур станува ретрограден, ситуацијата ќе се менува – можно е да дојде до одложувања, грешки во документи или недоразбирања со колегите. Ако потпишувате договори, бидете внимателни и проверете ги сите детали двапати.

Полната месечина во девица на 14 март, која ќе биде придружена со тотална лунарна еклипса, ќе ја активира вашата 12-та куќа на интуицијата, затворањето на циклуси и тајните. Ова може да биде период кога ќе сфатите дека нешто во вашата кариера повеќе не функционира. Можеби работата што ја имате ве исцрпува или можеби финансискиот модел што го следите не ви носи стабилност. Еклипсите секогаш носат неочекувани промени, па можно е да добиете нова можност за работа или проект што ќе ви помогне да излезете од финансиската стагнација.

Сонцето влегува во овен на 20 март, внесувајќи нова енергија во вашите деловни односи. Ќе се почувствувате помотивирани да се истакнете, да преземете ризици и да докажете дека заслужувате повеќе. Ова е момент кога ќе сакате да доминирате во професионалниот свет, да покажете лидерски способности и да поставите нови цели.

На 27 март Венера ретроградно влегува во риби, активирајќи ја вашата 6-та куќа на секојдневната работа и рутините. Ова ќе биде време кога ќе размислувате како да направите промени во вашата работна средина. Дали сте задоволни со работата што ја имате? Дали треба да воведете нови навики што ќе ви помогнат да бидете попродуктивни? Можно е и враќање на стара деловна можност што претходно сте ја одбиле, но сега може да има поинаков потенцијал.

На 29 март младата месечина и делумната соларна еклипса во овен ќе донесат пресврт во вашата кариера. Ова може да биде момент кога ќе добиете неочекуван предлог, ќе започнете нов проект или ќе донесете одлука што ќе го смени текот на вашата професионална иднина. Ако долго време сте размислувале за сопствен бизнис или за нова насока во кариерата, ова е совршено време за тоа.

На 30 март Меркур ретроградно влегува во риби, носејќи забуни во секојдневните работни задачи. Можно е да се соочите со технички проблеми, недоразбирања со колегите или потреба да се вратите на проекти што мислевте дека сте ги завршиле. Бидете трпеливи, затоа што овие предизвици ќе ви помогнат да ги подобрите вашите работни методи.

На 30 март Нептун влегува во овен, започнувајќи 14-годишен циклус што ќе донесе повеќе креативност и визионерство во вашата кариера. Ќе почнете да размислувате на подлабок начин за вашата професионална улога и ќе сакате да најдете работа што има поголемо значење за вас.

Здравје

Речиси цел месец, поконкретно од 2 до 27 март, Венера ќе се движи ретроградно, што значи дека ќе мора да се стремите повеќе кон баланс и грижа за себе.

Меркур од 15 март исто така ќе биде ретрограден и може да донесе стрес и потреба за ментален одмор.

Полната месечина на 14 март ќе ве поттикне да ги промените навиките што не ви служат.

Со влегувањето на Нептун во овен на 30 март, ќе започнете повеќе да се фокусирате на холистичкото здравје.

2025 година

Љубов

Драги ваги, вие сте познати по вашата желба за убавина и еквилибриум, па сега ќе имате шанса да го зацврстите животниот баланс и да блеснете во сите сфери.

2025-та ќе биде година на љубовна магија, страсни бакнежи и романтични пресврти. Љубовта ќе ви покаже колку може да биде трансформативна и инспиративна. Независно дали сте во стабилна врска или го барате вашиот идеален партнер, ќе почувствувате нова енергија која ќе ја разбуди вашата страст и романтичниот дух. Љубовта ќе ве охрабри да преземете храбри чекори, да истражувате нови димензии на интимност и да уживате во секој момент што ѕвездите ви го подаруваат.

На почетокот на годината, поточно на 3 јануари, Венера ќе влезе во риби, вашата 6-та куќа на рутините и секојдневните активности. Љубовта ќе ве пронајде додека извршувате секојдневни обврски – пазарување, работна средба или тренинг. Ќе ја зачините врската со мали, но значајни гестови, како романтични појадоци или вечерни прошетки.

На 4 февруари Венера влегува во овен, активирајќи ја вашата 7-ма куќа на партнерствата. Ова движење ќе донесе огнена страст и нови љубовни можности. Ако сте во врска, ќе почувствувате дека љубовта се разгорува со интензитет. Страсните допири и бакнежи ќе ја разбудат вашата романтична страна. За вагите со статус сингл, ова е време кога ќе бидете магнет за внимание – вашата харизма и шармот ќе привлекуваат нови љубовни авантури.

Младата месечина во водолија на 29 јануари ја потенцира вашата 5-та куќа на романтиката и забавата. Ова е ден за нови почетоци во љубовта. Ако сте сами, ќе почувствувате силна желба да се впуштите во нова врска или да запознаете некој што ќе го разбуди вашиот дух. Флерт-игрите ќе бидат на максимум, а секоја интеракција ќе носи наелектризирана енергија.

Ретроградната Венера во овен од 2 до 27 март ќе ве натера да размислите за минатите љубовни приказни. Можно е да се појави поранешен партнер, што ќе ве поттикне да преиспитате што сакате во љубовта.

Соларната еклипса во овен на 29 март ќе ја донесе љубовта во прв план и ќе ве поттикне да донесете големи одлуки – дали да ја официјализирате врската, да се обврзете на нова љубов или да ги освежите вашите односи со саканиот. Страста ќе биде силна, а интимните моменти ќе ве исполнуваат со возбуда.

Марс влегува во лав на 18 април, активирајќи ја вашата 11-та куќа на социјалните кругови. Ова движење носи љубов преку пријателства и социјални настани. Ќе бидете привлечени кон личности кои ја споделуваат вашата страст за животот. Љубовта ќе биде исполнета со возбудливи и спонтани моменти – долги разговори под ѕвездите, неочекувани бакнежи и смели љубовни гестови.

Полната месечина во шкорпија на 12 мај ќе ја осветли вашата 2-ра куќа на самодовербата и сензуалноста, носејќи интензитет во љубовта. Ќе бидете фокусирани на емоционалната сигурност и длабочината на врската. Ова е ден за незаборавни интимни средби.

Младата месечина на 27 мај ќе ве инспирира да преземете иницијатива во љубовта. Ќе сакате да изразите што чувствувате, да направите чекори што ја носат љубовта на следното ниво или да започнете нешто сосема ново. Љубовните авантури ќе ве поттикнат да излезете од комфорната зона.

Соларната еклипса во девица на 21 септември ќе ја активира вашата 12-та куќа на интроспекцијата. Ова е време за длабока љубов кон себе и подготовка за нови почетоци. Ќе почувствувате дека љубовта започнува со внатрешен мир и стабилност, што ќе ви помогне да внесете хармонија во сите ваши врски.

На 30 ноември Венера ќе премине во стрелец, вашата 9-та куќа на патувањата и визиите. Љубовта ќе стане авантуристичка и забавна. Романтичните патувања, долгите бакнежи на нови места и флертувањето ќе внесат свежина во вашиот љубовен живот. Слободните ваги може да запознаат личност која ќе ги инспирира да размислуваат неконвенционално.

Марс во јарец од 15 декември ќе ја потенцира вашата 4-та куќа на домот, носејќи силна посветеност кога се во прашање најблиските. Некои ваги импулсивно ќе влезат во брачните води, а други пак ќе прослават за свршувачка.

На 24 декември и Венера ќе му се придружи на Марс во јарец, што значи дека љубовта ќе ја фокусираме на оние со кои живееме. Крајот на годината за некои ваги ќе донесе вселување под ист покрив со саканиот или купување на нов дом.

Пари и кариера

Започнува година на професионален раст и финансиски напредок за вагите. Вашиот фокус ќе биде насочен кон големи успеси и долгорочни инвестиции.

На почетокот на годината, поконкретно од 6 јануари ретроградниот Марс во рак ја активира вашата 10-та куќа на кариерата. Ова е период кога ќе размислувате за долгорочните цели и ќе ги завршите сите заостанати проекти. Иако можеби ќе почувствувате мал застој, тоа ќе ви даде време да поставите јасна стратегија за професионален прогрес. Избегнувајте ризични финансиски потези и фокусирајте се на планирање.

Младата месечина во водолија на 29 јануари ќе ја активира вашата 5-та куќа на креативноста и ризиците. Ова е одлично време за финансиски потези кои вклучуваат креативност или иновации. Ако сте размислувале за сопствен бизнис, ова е моментот за започнување. Вашите идеи ќе имаат потенцијал за големи профити.

На 4 февруари, Јупитер преминува во директно движење во близнаци, активирајќи ја вашата 9-та куќа на надградување на знаењето и визионерството. Ова е одличен период за професионално усовршување преку обуки, курсеви или студии. Вашето ново знаење ќе ви отвори врати за повисоки позиции и подобри финансиски услови. Ако размислувате за работа во странство или работа која вклучува патувања, ова е идеално време за преземање на конкретни чекори.

Соларната еклипса во овен на 29 март ја осветлува вашата 7-ма куќа на соработките. Ќе се појават нови деловни партнерства кои носат финансиски добивки. Ова е ден за преговарање и склучување договори кои ќе ви донесат брзи пари или нови можности за вработување. Ако работите во тимска средина, вашиот придонес ќе биде забележан и награден.

На 18 април Марс влегува во лав, активирајќи ја вашата 11-та куќа на вмрежувањето и групните проекти. Ќе се чувствувате инспирирани да преземете лидерска улога во вашата професионална средина. Ова е време кога ќе блеснете со вашите идеи и ќе го привлечете вниманието на претпоставените. Вашата решителност и енергија ќе ви донесат значителни финансиски награди.

На 9 јуни Јупитер влегува во рак, потенцирајќи ја вашата 10-та куќа на кариерата. Периодот до 11 ноември е еден од најповолните за напредок и финансиски успех. Вашите напори ќе бидат препознаени, што ќе доведе до покачување на платата, бонуси или профит од проекти. Ако сте размислувале за промена на работното место, ова е време кога ќе добиете понуда која значително ќе го подобри вашиот финансиски статус.

Полната месечина во шкорпија на 12 мај ќе ја осветли вашата 2-ра куќа на приходите. Ова е момент кога ќе добиете финансиски награди. Можеби ќе добиете бонус или ќе завршите проект кој носи значителна заработка. Ќе почувствувате финансиска сигурност и ќе бидете мотивирани да продолжите со истата енергија.

Соларната еклипса на 21 септември ја истакнува вашата 12-та куќа на подготовките. Ова е ден за работа зад сцената и поставување темели за долгорочни успеси. Ќе почувствувате потреба да размислите за инвестиции, особено во недвижности или хартии од вредност, кои ќе носат стабилност во иднина.

На 24 декември Венера влегува во јарец, вашата 4-та куќа на домот и недвижностите. Ова движење носи можности за профит од недвижности – било да купувате, продавате или изнајмувате имот. Ако размислувате за инвестиции, крајот на годината ќе ви донесе поволни услови.

Со вашата харизма, аналитичките способности и решителноста, ќе успеете да ги искористите сите шанси што ви ги нудат ѕвездите во 2025 година и да ја изградите вашата финансиска иднина на цврста основа.

Здравје

Во 2025 година планетарните движења ќе ве инспирираат да направите позитивни промени кои ќе имаат долгорочно влијание.

Ретроградниот Марс во рак од 6 јануари до 24 февруари ќе стави акцент на вашата 10-та куќа на кариерата, што може да доведе до зголемен стрес и замор. Ова е важно време да ги препознаете вашите граници и да му дадете приоритет на одморот. Медитацијата, релаксациските техники и квалитетниот сон ќе бидат од суштинско значење за одржување на енергијата.

Со Марс кој влегува во лав на 18 април, вашата 11-та куќа на социјалните активности ќе застане под рефлекторите. Ќе се чувствувате мотивирани за физички активности со пријателите, како што се спортови на отворено или групни тренинзи. Овој период носи енергија и виталност што ќе ви помогнат да го подобрите вашето физичко здравје и да внесете радост во вашата рутина.

Јупитер во рак од 9 јуни ќе ја активира вашата 10-та куќа, носејќи емоционална поддршка и можности за намалување на стресот. Овој период ќе ве поттикне да се поврзете со активности што го поддржуваат вашиот емоционален мир, како што се активности во природа, уметност или водење дневник.

Полната месечина во Водолија на 9 август ќе ја активира вашата 5-та куќа на креативноста и радоста, носејќи инспирација за нови начини на грижа за себе. Ова е одлично време за експериментирање со нови хобија или активности кои ги комбинираат физичката и менталната благосостојба, како танцување или часови за јога.

Соларната еклипса во Девица на 21 септември ќе внесе потреба за редовност во вашите здравствени навики. Ќе бидете мотивирани да воведете здрави ритуали, како утринско вежбање, подобрување на исхраната и редовни медицински прегледи. Оваа енергија ќе ве поттикне да се фокусирате на долгорочна грижа за вашето тело и ум.

Марс кој влегува во јарец на 15 декември ќе ја активира вашата 4-та куќа на домот, носејќи фокус на домашните рутини кои го поддржуваат здравјето. Ќе бидете инспирирани да создадете мирна и здрава средина во вашиот дом, што ќе ви помогне да се чувствувате подмладено и подготвено за сите предизвици. Ова е одлично време за воведување техники за релаксација, како топли бањи, ароматерапија или медитација.

Крајот на годината носи чувство на виталност и стабилност, бидејќи вашите напори за здравјето ќе бидат наградени со зголемена енергија и рамнотежа. Ќе влезете во 2026 година со чувство на благодарност за постигнатите промени и со подготвеност да го задржите ова ниво на благосостојба. Здравјето ќе биде вашата најсилна точка во текот на година.