Вага (23. IX – 22. X)

Петок, 15 Ноември 2024

Вложете сè во љубовната врска! Денес покажете му на вашиот партнер колку многу го цените, сакате и обожавате. Дајте му до знаење дека обожавате да поминувате време со него во интимна атмосфера.

Полната месечина ќе настапи во вашиот сектор на силните чувства, правејќи ве како вљубен тинејџер. Ако некој ви се допаѓа, флертувајте со него вечерва.

Ноември, 2024

Љубов

Наплив на самодоверба ве очекува во ноември. Ќе знаете колку вредите и многумина ќе ја зголемат почитта кон вас.

Венера, планетата на љубовта и убавината, до 11 ноември ќе престојува во вашата 3-та куќа на комуникацијата. Меѓу редови ќе му кажувате на саканиот како треба да се однесува кон вас и нема да толерирате „испади“. Првите десет дена се идеални за романтични активности во вашето место на живеење.

Ако сте сингл, можно е да се заљубите во личност која секогаш се „врткала“ околу вас, но вие не сте ја забележувале во романтична конотација.

На 4 ноември сексапилниот Марс ќе влезе во вашиот сектор на пријателства и групните активности, што треба да ви биде мотив плус за да ги зачестите ноќните излегувања со партнерот. Бидејќи 11-тата е и куќа на технологијата, некои ваги ќе започнат врска на далечина додека други ќе се поврзат со специјална личност преку социјалните мрежи.

На 11 ноември, романтичната Венера ќе влезе во вашата 4-та куќа на домот и семејството. Доколку сè уште не сте им го претставиле партнерот на вашите најблиски, сега е совршено време за тоа. Некои ваги ќе му подарат резервен клуч од својот дом на партнерот, додека други ќе се преселат кај него. Сепак, тоа мора да биде обмислена, а не импулсивна одлука. Вагите кои се во брак можно е да започнат реновирање на домот или да се вселат во ново живеалиште.

До 21 ноември Сонцето ќе ја топли вашата самоуверена 2-ра куќа. Кога сте со личност која е потенцијален кандидат за вашето срце, ќе сакате да чувствувате стабилност и зрелост во неговото однесување. Во спротивно, нема да му дозволувате да ви се приближи.

Големи се шансите ваша сродна душа да пристигне во вашиот живот на 15 ноември, кога полната месечина ќе ја осветли вашата 8-ма куќа. Силни чувства ќе ве обземат само што ќе ја здогледате, па не треба да се плашите да не згрешите со одлуката да влезете во врска. Ризикувајте во љубовта, вреди!

Во врска сте? Зголеменото либидо ќе се одрази позитивно на вашиот интимен живот.

На 19 ноември Плутон ќе премине во водолија, вашиот сектор на романсата, страста и флертувањето. Ако сте во врска, ќе забележите дека во овој период започнувате полесно да постигнувате компромис со партнерот и ниту еден од вас не доминира. Конечно ќе успеете да постигнете баланс во односите.

На 21 ноември Сонцето ќе го осветли вашиот сектор на комуникацијата, па очекувајте искрени, длабоки разговори кои ќе ве поврзуваат со саканиот. Сепак, само пет дена подоцна, односно на 26 ноември Меркур ќе започне да се движи ретроградно во истиот сектор, па глатката комуникација ќе ви стане предизвик. Имајте на ум дека тоа е само минлив период.

Пари и работа

Во првите три дена од ноември трчајте сами кон врвот, а потоа повикајте ги вашите колеги да ви се придружат. Енергичниот Марс до 4 ноември ќе патува во вашиот сектор на кариерата и долгорочното планирање, правејќи ве исклучително амбициозни. Ќе ви се допаѓа кога ќе можете со сопствени сили да ги реализирате зацртаното.

Откако огнената планета ќе премине во вашиот сектор на групните активности, сè ќе се промени. Ќе ја претпочитате тимската работа и ќе ви се допаѓа кога има со кого да прославите за постигнувањата.

Поставеноста на Меркур ќе биде уште една причина плус за вашата гласност и борбеност во овој период. На 2 ноември оваа планета ќе започне патување во вашата комуникативна 3-та куќа, претворајќи ве во машина за зборување.

Во текот на ноември ќе работите за пари и ќе заработувате. Сонцето ќе ги помине првите три недели од месецов во вашиот сектор на парите и работата, правејќи ве незапирливи при користењето на можностите. Пред следниот месец да започне празничната сезона, вие ќе имате бројни успешно реализирани проекти зад себе.

Цифрата на банкарската сметка нагло ќе ви се зголеми на 15 ноември, кога полната месечина ќе ја осветли вашата 8-ма куќа на богатството и заедничките инвестиции. Доколку пред шест месеци склучивте зделка заедно со друга личност, сега ќе ги видите финансиските придобивки.

Особено успешни во комуницирањето со клиентите ќе бидете од 21 до 26 ноември, кога Сонцето ќе престојува во вашата зборлеста 3-та куќа. На 26 ноември Меркур ќе започне да се движи ретроградно, што значи дека на крајот на месецот ќе никнуваат проблеми поврзани со деловната комуникација.

Здравје

Мотивацијата да градите здрави навики ќе ви биде огромна и тоа одлично ќе се одрази на вашето здравје. Сонцето ќе ги помине првите три недели од месецов во вашиот сектор на рутините и самодовербата. Ќе знаете дека можете да бидете пример за околината и ќе го правите тоа преку добро однесување.

Прочистете го вашиот организам од токсини и пијте повеќе течности на 15 ноември, кога ќе настапи полна месечина во вашиот сектор на детоксикацијата.

На 15 ноември Сатурн ќе го прекине ретроградното движење во вашиот сектор на здравјето, отстранувајќи ги вознемиреноста и напнатоста од вашиот живот. Ако се соочувавте со здравствени проблеми, во втората половина на месецот ќе забележите драстично подобрување.

2024 година

Љубов

Љубовни изненадувања, неочекувани средби кои го менуваат животот, романтични изјави кои ќе ве воздигнат во облаци, флерт игри од кои зоврива крвта... 2024 дефинитивно ќе ве усреќи на љубовен план и ќе ве поттикне да тргнете во неистражени територии на вашето срце и душа.

Од 20 јануари до 19 февруари Сонцето ќе го осветлува вашиот сектор на страста, флертувањето и романсата. Ќе ви се зголеми либидото и ќе копнеете за што повеќе интимни средби со партнерот. Вагите кои не се во врска може неочекувано да завршат во прегратка на личност која ќе им го затрепери срцето.

Очекувајте многу жешки ноќи во периодот од 13 февруари до 23 март, кога и сексапилниот Марс ќе престојува во вашиот сектор на страста, флертувањето и романсата. Марс ќе ви го зголеми либидото и ќе сакате почесто да останувате зад затворени врати со саканиот. Имајте на ум дека Марс носи и повеќе љубовни расправии. Но, жестоките дискусии со саканиот на одреден начин ќе ви делуваат како афродизијак, па ќе се смирувате во спалната соба. Вагите кои не се во врска отворено ќе покажуваат колку успешно можат да заведуваат, па постојано ќе бидат опкружени со заинтересирани кандидати за освојување на нивното срце.

И Венера ќе престојува во вашата 5-та страсна куќа прво од 16 февруари до 11 март, па од 7 декември до крајот на 2024 година. Ќе бидете подготвени да го заведете саканиот и повторно да му ги разлетате пеперутките во стомакот. Експериментирањето во спалната ќе ви ја зголеми сексуалната возбуда, а ќе повлијае позитивно и на вашата комуникација во врската. Многу ваги ќе влезат во врска без да имаат големи очекувања, но ќе останат позитивно изненадени кога по кратко време серозно ќе се приврзат за новиот партнер.

Во текот на 2024-та ниту малку нема да ви пречи да имате покрај себе личност која постојано ќе ви ја подарува својата љубов. Во првата половина на годината, Јупитер ќе патува низ вашиот сектор на интимноста и интензивните емоции, па голема е веројатноста да ви донесе партнер кој би го нарекле сродна душа.

Вагите кои се во врска сериозно ќе се обврзат и ќе размислуваат за свршувачка, брак или проширување на семејството. Под влијание на Јупитер, некои ваги ќе одлучат да раскинат со партнерот за по кратко време да бидат изненадени од нова постабилна врска.

Од 2 до 24 април Меркур ќе се движи ретроградно во вашиот сектор на сериозните врски, па повторно се зголемуваат шансите за обновување на стара врска. Некои ваги во овој период ќе наидат на многу недоразбирања со саканиот, но за среќа, станува збор за краток период преку кој брзо ќе преминат.

На 8 мај младата месечина ќе настапи во бик, вашиот сектор на интимноста. Се зголемуваат шансите да запознаете личност која ќе ја наречете своја сродна душа.

На 26 мај Јупитер ќе започне да патува низ вашиот сектор на патувањата и авантурите, па можно е да започнете врска на далечина, или пак, да дојде до раѓање на нова љубов додека сте во странство или помеѓу вас и странец. Јупитер нè мотивира да ризикуваме, но и ни носи среќа. Па, можно е да влезете во врска со личност за која воопшто не сте сигурни дали е вистинската за вас и набрзо таа љубовна авантура да прерасне во стабилна врска со блескава иднина.

Фантастичен ден за љубовни почетоци е 2 октомври, кога младата месечина ќе настапи во вашиот знак, а ќе има и прстенесто затемнување на Сонцето. Први бакнежи, прво „Те сакам“, прво „Те посакувам“... Овој ден ќе носи посебна магија.

Венера ќе ви ги разубавува декемвриските денови и ноќи и ќе ви подари незаборавен крај на 2024 година. Со престојот во вашиот страстен сектор, романтичната планета ќе ви ја засили возбудата, ќе ве претвори во неодолива заводничка и ќе ве обвие со аура која никој нема да може да ја игнорира.

Пари и работа

Од самиот старт до самиот крај на 2024 година ќе редите забележителни успеси.

Под влијание на Јупитер, планетата на богатството и среќата, несомнено ве очекува голем напредок. Од финансиска гледна точка, ова ќе ви биде супер среќна година. Ќе преземате само калкулирани ризици и ќе ги прескокнувате небезбедните инвестиции за брза заработка.

Ќе се создадат идеални услови за унапредување, покачување на платата и нови вработувања, но и за мотивација да ги проширите вашите видици и визионерски да погледнете на иднината.

На 25 март полната месечина ќе настапи во вашиот знак, а ќе има и делумно затемнување на Месечината. Ќе добиете награда или признание, а многу ваги ќе застанат во центарот на вниманието. Големи се шансите да треба да одржите јавен говор или да презентирате амбициозен проект.

Од 26 мај до 9 октомври, Јупитер ќе се движи директно низ вашиот сектор на патувањата и претприемништвото. Ве очекува важно бизнис патување. Ќе се посветите на одржување на врските со соработници или клиенти од странство. Бидејќи Јупитер нè поттикнува да ризикуваме, многу полесно ќе ви биде да менувате работни места или да направите голем чекор кон основање на сопствен бизнис. Некои ваги ќе го прошират својот бизнис зад границите на државата.

На 1 ноември младата месечина е во вашиот сектор на работата и парите. Очекувајте да се наполни вашиот паричник со пари кои не сте очекувале сега да стигнат до вас. Можно е некој предвреме да ви исплати средства кои ви ги должи. Младата месечина носи големи промени и нови почетоци.

Здравје

Во текот на целата година Сатурн ќе престојува во вашиот сектор на здравјето, мотивирајќи ве да го правите правилниот избор кога станува збор за исхраната.

И мистичниот Нептун ќе патува низ риби, вашиот сектор на здравјето и фитнесот, па ќе експериментирате кога станува збор за одржувањето на телото и здравјето. Ќе воведете во вашата исхрана повеќе свежи овошни и зеленчукови сокови, а ќе пробате и нови активности како јога кои ќе ја засилат врската помеѓу вашето тело и вашиот ум.

Но, ретроградното движење на Сатурн кое започнува на 29 јуни и ќе трае до 15 ноември можно е да врати здравствен проблем кој сте го оставиле зад себе, да ви ја зголеми анксиозноста или загриженоста, или пак, да ви ги направи тренинзите измачувачки. Најдете која е причината за тоа и не се плашете да побарате помош.

Домот ќе ви биде извор на стрес во периодот од 2 септември до 12 октомври, бидејќи Плутон ќе се движи ретроградно во вашиот сектор на домот и семејството.

Кон крајот на годината, некои ваги ќе започнат со физики и психички подготовки за забременување.