По пет години пауза од големите филмски проекти поради судењето со поранешната сопруга Амбер Херд, Џони Деп се враќа во Холивуд.
61-годишниот актер ќе глуми покрај Пенелопе Круз во акциониот трилер „Day Drinker“ откако пред неколку денови беше објавена веста дека тој гради куќа на планината Космај во Србија, каде што за сосед ќе го има Новак Ѓоковиќ.
Според српските медиуми, Деп неколкупати тајно ја посетувал Србија и ангажирал работници на кои им дал детални инструкции како сака да изгледа неговата куќа во Рогача.
„Day Drinker“ ќе биде четврти заеднички филмски проект на Џони и Пенелопе, кои соработуваа и за „Blow“, „Pirates of the Caribbean: On Stranger Tides“ и „Murder on the Orient Express“.
Ова е прв поголем филмски проект на Деп од 2018 година, кога го снимаше „Fantastic Beasts: The Crimes of Grindelwald“.
