Ед Вествик и Ејми Џексон со нетрпение го очекуваат првото заедничко дете.
Згодниот шармер од серијата „Gossip Girl“ и убавата актерка споделија фотографии од празничната атмосфера во нивниот дом. Ејми го истакна големото трудничко стомаче во бел свилен фустан. На дел од фотографиите е и нејзиниот син Андреас кој го има со претходниот вереник.
„Божиќ 2024 беше класика. Му благодарам на моето семејство за сè што е. Длабоко сме благодарни за сè што имаме. Ви посакуваме љубов и топлина“ – напиша Ед.
„Прв Божиќ како госпоѓа... и најдобриот Божиќ досега“ – напиша Ејми во описот на првиот албум со фотографии, а во вториот додаде: „Големо стомаче и уште поголемо срце“.
37-годишниот актер, кој се прослави со улогата на Чак Бас во „Gossip Girl“, стапи во брак со 32-годишната актерка во август оваа година.
