Слаткото дете од филмовите „Сам дома“ беше миленик на милиони луѓе низ цел свет. Токму затоа огромен број фанови на Меколи Калкин вчера беа шокирани откако се појави нова фотографија од него, а на која тој изгледа шокантно слаб.
Меколи Калкин на прошетка во Њујорк со енергетски пијалак во раката
31-годишниот актер беше фотографиран во Њујорк и од фотографиите кои ги објави ET (Entertainment Tonight) може да се види неговото слабо и бледо лице. Загрижените обожаватели веднаш започнаа да прашуваат за неговото здравје, а неговиот претставник за јавноста побрза да негира дека Калкин има проблеми со здравјето.
„Меколи Калкин е во совршено добро здравје. Entertainment Tonight, или кој било друг медиум што шпекулира поинаку е неразумен, неодговорен и деструктивен. Ги замолуваме да прекинат со озборувањата“ – изјавил претставникот.
Меколи Калкин стана вистинска ѕвезда благодарение на филмовите „Сам дома“, а голема популарност стекна и неговиот филм „Richie Rich“. Уште додека беше млад, актерот се „разведе“ од своите родители, обвинувајќи ги дека неразумно ги управуваат неговите финансии и назначи сметководител да се грижи за неговите пари додека не наполни 18 години.
Меколи Калкин во „Сам дома“
Во 1998 година Калкин стапи во брак со актерката Рејчел Мајнер, но се разведе од неа четири години подоцна. Во 2002 година Калкин започна врска со Мила Кунис. Две години подоцна беше уапсен за поседување на марихуана, но по кратко време поминато в затвор беше пуштен на слобода. На почетокот на минатата година претставник на Мила потврди дека нејзината 8-годишна врска со Калкин е завршена.
Меколи Калкин и Мила Кунис
